မိမိစိတ်က ဘာကိုသိနေလဲ? သိနေတဲ့ အသိက ငါသိတာလား၊ လေ့ကျင့်ထားတဲ့ အသိက သိနေတာလား?

သိနေမှုတွေကရော အမှန်သိ ဟုတ်ရဲ့လား?

သိတာမှားနေရင် ချက်ချင်း ပြင်နိုင်ရမယ်။ ပြုပြင်တဲ့ အသိက ငါလား?

စိတ်ကို စွဲလမ်းတဲ့စိတ်က စိတ်ထဲမှာပဲ ရှိတယ်။ အဲဒီ ရှိတဲ့စိတ်က ငါလား?

စိတ်ကို ထိန်းချုပ်ထားတဲ့ စိတ်ကလည်း စိတ်ထဲမှာပဲ ရှိတယ်။ အဲဒါ ငါလား?

မိမိစိတ်အသိက ခန္ဓာကိုယ်သဘောနဲ့ စိတ်စေတသိက်တွေရဲ့သဘောကို သဘောပေါက်ပြီး ဘာကိုမှ မပတ်သက်ဘဲ သဘာဝကို သဘာဝအတိုင်းပဲ သဘောထားနိုင်ရင် သဘောပေါက်တာ ငါမဟုတ်ဘဲ အသိဉာဏ်ကသာ သဘောပေါက်နေတာကို သိပြီး ငါဆိုတဲ့ အစွဲကို လက်မခံတော့ဘူး။

စိတ်တစ်ခုက အာရုံခြောက်ပါးနဲ့ စိတ်နဲ့ထိတွေ့မှ ခံစားမှုဖြစ်တယ်။

ခံစားမှုကို မဖြတ်လို့ လိုချင်တဲ့စိတ်အဆင့်ရောက်တာ။

လိုချင်တဲ့စိတ်ကို မထိန်းချုပ်လို့ စွဲလမ်းသွားတာ။

စွဲလမ်းတဲ့ စိတ်တစ်ခု ဖြစ်ဖို့ ကြားထဲမှာ အဆင့်တွေရှိတယ်။ ဒါတွေက စိတ်ရဲ့ သဘာဝအလုပ်တွေ၊ ငါမပါဘူး။

စိတ်ကို စောင့်ကြည့်သိမှတ်အားကောင်းလာရင် ငါမပါတဲ့သဘောတွေကို သဘောပေါက်လာတယ်။

ဘ၀ရပ်တည်ရေးအတွက် လုပ်ချင်တဲ့အလုပ်လုပ်ပါ။

ကုသိုလ်အလုပ်၊ အကုသိုလ်အလုပ်ကိုတော့ မိမိအသိနဲ့ မိမိရွေး။

လုပ်သမျှအလုပ်ကို အစွမ်းရှိသလောက်သာလုပ်။ လုပ်ပြီးရင်တော့ ဖြတ်ချလိုက်ပါ။

မဖြတ်နိုင်ရင်တော့ မိမိလုပ်ခဲ့တဲ့အလုပ်ကို သဘောတွေကျ ကျေနပ်ပြီး အစွဲစိတ်ကို ဖြစ်စေတတ်တယ်။

အမှန်က သဘာဝသဘောတရားတွေကို သဘောပေါက်ပေးပြီး သဘောပေါက်တဲ့ အသိနဲ့ပဲ ဖြတ်ပစ်နေရတာ။

ဖြတ်လို့မရဘူးဆိုတာ ငါခေါင်းစဉ်နဲ့ တွဲပြီး ငြိနေလို့ပဲ။

အစွဲစိတ်ကို ဖြုတ်ချင်တယ်ဆိုရင်

အစွဲစိတ်ကို ဖြုတ်ချဖို့။

စိတ်အကြောင်း၊ စိတ်ရဲ့သဘောတွေကို သိနိုင်တဲ့ အသိဉာဏ် ဗဟုသုတ ရှိဖို့လိုပါတယ်။

ဗဟုသုတနဲ့ ဆင်ခြင်ပြီး စဉ်းစားမယ်၊ သုံးသပ်မယ်၊ လက်တွေ့ အားထုတ်ကြည့်မယ် ဆိုရင် သိစရာရှိတာတွေကို သိလာပါလိမ့်မယ်။

သိစရာရှိတာတွေကို သိလာတယ်ဆိုတာ အာရုံခြောက်ပါးကြောင့် ပေါ်လာတဲ့အာရုံနဲ့ စိတ်နဲ့ ထိတွေ့လိုက်တဲ့ ခဏလေးကနေစပြီး ပြဿနာတွေ တက်ကုန်တာကို သိသိလာတာ။

မိမိသိနေတာကို မိမိကိုယ်တိုင်လက်တွေ့ သိလာပြီဆိုရင် ငါဆိုတဲ့အစွဲကို ဘယ်လိုဖြုတ်ရင် ပြုတ်တယ်ဆိုတဲ့ အဖြေထပ်ထွက်လာတယ်။