မိမိစိတ်က ဘာလုပ်နေလဲ?

အလုပ်လုပ်နေတဲ့ စိတ်ကို စောင့်ကြည့်တာ။

မိမိစိတ်က ဘာကိုသိနေလဲ?

စောင့်ကြည့် သိမှတ်နေတဲ့ စိတ်ကို စောင့်ကြည့်တာ။

ခန္ဓာကိုယ်ထဲက အစိတ်အပိုင်းတွေနဲ့ စိတ်စေတသိက်တွေနဲ့ ဘယ်လိုပတ်သက်ပြီး၊

ဘာ့ကြောင့် ပတ်သက်ပြီး၊ ဘယ်လောက်အထိ ပြောင်းရွှေ့ကုန်တာလဲဆိုတာ သိချင်လို့ စောင့်ကြည့်တာ။

ခန္ဓာကိုယ်နဲ့ အတူပါလာတဲ့ ခံစားတဲ့စိတ်၊ မှတ်သားတဲ့စိတ်၊ သိတဲ့စိတ်၊ လှုံ့ဆော်တိုက်တွန်း ပြုလုပ်တဲ့စိတ်တွေရဲ့ လှုပ်ရှားနေတဲ့ သဘာဝသဘောတွေကို တိတိကျကျ သိချင်လို့ စောင့်ကြည့်တာ။

မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်ကြောင့် ဖြစ်ပေါ်လာတဲ့ အာရုံခြောက်ပါးရဲ့ သဘောတရားတွေကို ကိုယ်တိုင် လက်တွေ့ သိချင်လို့ စောင့်ကြည့်တာ။

အာရုံတစ်ခု ၀င်လာရင် ၀င်လာတဲ့အာရုံကို သိတဲ့စိတ်နဲ့

ခံစားမိလိုက်တဲ့စိတ်။

ဘယ်စိတ်က ပိုများနေလဲ?

ခံစားတဲ့ဘက်မှာ အာရုံများနေရင် သိမှတ်တဲ့ဘက်မှာ အားထုတ်မှု လျော့သွားတာမျိုး မဖြစ်အောင် စောင့်ကြည့် သိမှတ်နေတာ။

မိမိစိတ် ပင်ပန်းနေတာ၊ ဆင်းရဲနေတာ၊ ဒုက္ခဖြစ်နေတာတွေဟာ

သိမှတ်တဲ့ဘက်မှာ အားထုတ်မှု လျော့သွားလို့ ဒုက္ခဖြစ်စေတဲ့ စိတ်တွေ ၀င်ခွင့်ရလာပြီး နှိပ်စက်နေကြတာ။

ဒီလို နှိပ်စက်ခံနေရတာတွေဟာလည်း

မိမိရဲ့ သတိ မရှိမှုကြောင့်ပဲ၊

မိမိရဲ့ အသိ မရှိမှုကြောင့်ပဲ။

မိမိရဲ့အသိနဲ့ သတိ အလုပ်လုပ်တယ်၊ မလုပ်ဖူးဆိုတာကို စောင့်ကြည့်သိမှတ်နေတာ။

အာရုံခြောက်ပါးကြောင့် ဖြစ်ပေါ်လာတဲ့ အာရုံနဲ့စိတ်နဲ့ စိတ်ချင်းထိတွေ့ပြီး ဖြစ်ပေါ်လာတဲ့ စိတ်ကတစ်ဆင့် ဘာတွေ ထပ်ဆင့်ပွား ဖြစ်ကုန်တာလဲဆိုတာ သိချင်လို့ စောင့်ကြည့်နေတာ။