(၈) ခက်ထန် ကြမ်းတမ်းခြင်းသဘော ဒေါသ စေတသိက်
ဒေါသအုပ်စုထဲမှာပါတဲ့ ဒေါသစိတ်အမျိုးအစားတွေကို စာရင်းလုပ်ကြည့်မယ်ဆိုရင်
စိတ်ညစ်ခြင်း၊ စိတ်ပျက်ခြင်း၊ စိတ်မချမ်းသာခြင်း၊ စိတ်ဆင်းရဲခြင်း၊ စိတ်အားငယ်ခြင်း၊ စိတ်ကောက်ခြင်း၊
စိတ်ဆိုးခြင်း၊ ကြမ်းတမ်းခြင်း၊ ခက်ထန်ခြင်း၊ ကြောက်ရွံခြင်း၊ ရန်ငြိုးဖွဲ့ခြင်း၊ ခြိမ်းခြောက်ခြင်း၊
အော်ဟစ်ဆဲဆိုခြင်း၊ သေကြေပျက်စီးအောင် လုပ်ဆောင်ခြင်းတွေအပြင် နောက်ထပ်ဒေါသအဖွဲ့ဝင်တွေကတော့
ကျေးဇူးမသိတတ်တဲ့ မက္ခ၊
ဂုဏ်တု ဂုဏ်ပြိုင်လုပ်တတ်တဲ့ ပဠာသ၊
ဝမ်းနည်းခြင်း၊ ၀မ်းသာခြင်း သောက၊ (ဒေါသဖြစ်တိုင်း သောကပါနေလို့ ဒေါသနဲ့ဆိုင်တဲ့သောက)၊
သံယောဇဉ်ရှိတဲ့သူကို အန္တရာယ်တစ်ခုခု ဖြစ်မှာ စိုးရိမ်ခြင်း၊ မိမိကိုယ်တိုင်အပါအ၀င် သံယောဇဉ်ရှိသူတွေနဲ့ ပတ်သက်ပြီး မျှော်လင့်ထားသလို မဖြစ်မှာ စိုးရိမ်နေတဲ့ ဒေါမနဿ၊
မိသားစုတွေ သေကြေပျက်စီးတဲ့အခါမှာ ကြီးကျယ်လွန်းတဲ့ ငိုသံဖြစ်စေလောက်အောင် ပြင်းထန်စွာ ပူလောင်ပြီး ငိုကြွေးတဲ့ ပရိဒေ၀၊
ကိုယ်ဆင်းရဲခြင်းဒုက္ခ၊ စိတ်ဆင်းရဲခြင်း ဒေါမနဿဖြစ်စေတဲ့ ဒုက္ခဒေါမနဿ၊
ဂုဏ်သိက္ခာ၊ စည်းစိမ်ဥစ္စာတို့ ပျက်စီးသွားလို့ တက်သွားတဲ့ အထိဖြစ်တဲ့ ဥပါယာသ၊
ဒါတွေဟာ စိတ်မှာမှီတွယ်ပြီး ခြယ်လှယ်တဲ့ ဒေါသဆိုင်ရာ သတ်မှတ်ထားတဲ့ ခံစားမှုနာမည်တွေပဲ။ ဒီဒေါသဆိုတဲ့ စိတ် စေတသိက်ကတော့ လူတွေရှိနေသမျှ လူဖြစ်နေတဲ့ လူသားမှန်ရင် ခေတ်အဆက်ဆက် ဖြစ်နေဦးမယ့် စိတ်ခံစားမှုတွေပဲ။
ပြီးတော့ ဒီစိတ်ခံစားမှုဟာ ခန္ဓာကိုယ်ရှိနေခြင်းနဲ့အတူ ပစ္စည်းခြောက်ခုနဲ့ စိတ်လေးခုကြောင့် ဖြစ်ပေါ်လာရတဲ့ စိတ်အမျိုးအစားတွေပါပဲ။
ဒေါသစိတ်ဆိုတဲ့ သတ်မှတ်မှုနဲ့ ဖြစ်ပေါ်လာတဲ့ စိတ်တစ်ခုကို ဖြစ်ခွင့်မရအောင် တားဆီးဖြတ်တောက်ခြင်း မလုပ်နိုင်ခဲ့လို့သာ ဒေါသစိတ်အဖြစ် ဖြစ်ခွင့်ရပြီး နှိပ်စက်နေတဲ့ စိတ်တွေပါပဲ။
စေတသိက်တွေရဲ့ ခဏလေး ဖြစ်ပေါ်လာမှုနဲ့ ပတ်သက်ပြီး မိမိစိတ်မှာ ဘယ်လိုတုံ့ပြန်နေမိလဲ!ဆိုတာ သိဖို့ လိုတယ်။
စိတ်ကိုစောင့်ကြည့် သိမှတ်တဲ့ စိတ်လေ့ကျင့်မှုနဲ့ ကာကွယ် တားဆီးနိုင်တယ်ဆိုတာ သိဖို့လိုတယ်။
လူတွေကြားထဲမှာ လူအဖြစ်နဲ့ နေနေကြတဲ့ လူသားတိုင်းဟာ တစ်ခုပြီးတစ်ခု ဖြစ်ပြနေတဲ့ စိတ်စေတသိက်တွေရဲ့ သဘောသဘာဝကို သိအောင် သိကြည့်ပြီး ကြိုတင်ပြင်ဆင်မှုတွေနဲ့ ကာကွယ်တားဆီးမှသာ ဆိုးဝါးတဲ့ စိတ်ခံစားမှု အဆင့်ကို မရောက်မှာ။
စိတ်တွေရှိနေသမျှ၊ ခန္ဓာကိုယ်တွေ ရှိနေသမျှ၊ ညှဉ်းပန်းနှိပ်စက်ဖို့ အမြဲတမ်း အဆင်သင့်ဖြစ်နေတဲ့ စိတ်စေတသိက်တွေရဲ့ တိုက်ခိုက်မှုတွေကို မိမိကျင့်ကြံအားထုတ်မှု အသိဉာဏ် အရည်အချင်းနဲ့ ဘယ်လောက် အတိုင်းအတာထိ ကာကွယ်နိုင်နေပြီလဲလို့ အမြဲမပြတ် စစ်ဆေးနေသင့်တယ်။
ဒါမှလည်း မိမိအသိဉာဏ်အဆင့် ဘယ်နေရာရောက်နေလဲဆိုတာ ချိန်ဆလို့ရမယ်။
စိတ် စေတသိက်တွေနဲ့ ပတ်သက်တဲ့ ခံစားမှုအာရုံတွေ ရှိနေသေးတယ်ဆိုရင်တော့ ထပ်ကြိုးစားရမှာပဲ။