- မသိုးမသန့်စိတ်
- - အမှားတစ်ခုကို ကျူးလွန်မိလိုက်တာနဲ့ ကျူးလွန်ခဲ့တဲ့ စိတ်အပြစ်ကို ပြန်သတိရတိုင်း မိမိစိတ်ကိုမိမိ မသတီသလို၊ မကြိုက်သလို၊ ယုံကြည်မှုလျော့သွားတဲ့ စိတ်အနေအထား။
- မသင်္ကာစိတ်
- - ခေါင်းစဉ်ထဲမှာ စိတ်အဓိပ္ပာယ် ပါဝင်နေပါတယ်။
- မသက်မသာစိတ်
- - အာရုံခြောက်ပါးထဲက မိမိစိတ်ကို မသက်မသာဖြစ်စေတဲ့ အာရုံနဲ့စိတ် စိတ်ချင်း ထိတွေ့မှုကတစ်ဆင့် မသက်မသာတဲ့ ခံစားမှုကို ထပ်ဆင့် ဖြစ်ပွားခွင့်ရစေပြီး မသက်မသာဖြစ်နေတဲ့ စိတ်။
- မသဒ္ဓါစိတ်
- - တစ်စုံတစ်ခုသော အကြောင်းတိုက်ဆိုင်မှုကြောင့် ပေးရ ကမ်းရ လှူရ တန်းရမှာကို ရုတ်တရက် စိတ်မပါသလို ဖြစ်သွားတဲ့ စိတ်အမျိုးအစား။ (ဗုဒ္ဓဘာသာဝင်အများစုဟာ အလှူအတန်းနဲ့ပတ်သက်ရင် သဒ္ဓါစိတ်ရှိတဲ့သူတွေချည်းပါပဲ။ ဒေါသကြောင့် ဒါမှမဟုတ် ရွံရှာမုန်းတီး စိတ်ကြောင့်စတဲ့ အကြောင်းတစ်ခုခုကြောင့် ရုတ်တရက် မပေးချင်၊ မလှူချင်၊ ဖြစ်သွားစေတဲ့ စိတ်အနေအထား တစ်ခု။)
- မဟာဆန်စိတ်
- - သာမန်လူသားဆန်တဲ့ စိတ်မျိုးမဟုတ်ဘဲ ဂုဏ်ကြီးရှင် မဟာဆန်တဲ့ မာန်တစ်ခုခု သိမ်မွေ့စွာ ပါးပါးလေး ရောနှောပါဝင်နေတဲ့ စိတ်အနေအထား။
- မဟာမိတ်စိတ်
- - လူသားချင်း စာနာစိတ်နဲ့ အကူအညီလိုရင် လိုသလို ကူညီပေးကြတဲ့ အဆင့်မြင့် ရဲဘော်ရဲဘက် မိတ်ဆွေစိတ်။
- မဟားတရားစိတ်
- - တရားမျှတမှုမရှိတာ သေချာနေတဲ့ မဟားတရားစိတ်နဲ့ မဟုတ်တမ်းတရမ်းစိတ်။ မသန့်ရှင်းတာ သေချာနေတဲ့ မဟုတ်တရုတ်စိတ်။ တစ်စုံတစ်ရာ အကျိုးတစ်ခုခုကို မျှော်လင့်နေတာ သေချာနေတဲ့ မဟုတ်ကဟုတ်ကစိတ်နဲ့ မဟုတ်မဟတ်စိတ်။
- မအီမလည်စိတ်
- - စိတ်ကျန်းမာရေး ချို့ယွင်းအားနည်းနေလို့ သက်သောင့်သက်သာ မဟုတ်ဘဲ မအီမသာနဲ့ တက်ကြွထက်သန်မှု မရှိတဲ့ ပျော့ခွေစိတ်။
- မအူမလည်စိတ်
- - ပါးနပ်သလိုလို၊ သိသလိုလိုနဲ့ အမှန်က ဘာကိုမှ တိတိကျကျ သေသေချာချာ မသိတဲ့ အူကြောင်ကြောင် မလည်မ၀ယ် စိတ်အမျိုးအစား။
- မအပ်မရာစိတ်
- - လူလူချင်း အနိုင်ကျင့်တဲ့စိတ်ဟာ မထားသင့်တဲ့ မအပ်မရာစိတ်ပဲ။ လူလူချင်း စော်ကားတဲ့စိတ်ဟာ မရှိသင့်တဲ့ မဖွယ်မရာစိတ်ပဲ။
- မာကျောသောစိတ်
- - တော်ရုံတန်ရုံ ပြဿနာဖြစ်လို့ စိတ်ဓာတ်ပျော့ခွေ ယိမ်းယိုင်သွားတာမျိုးတွေ မရှိဘဲ၊ ဒီတစ်ခါ မအောင်မြင်ရင် နည်းလမ်း နောက်တစ်မျိုးနဲ့ အောင်မြင်အောင် ထပ်ချမယ်ဆိုတဲ့ စိတ်အမာစား။
- မာနကြီးသောစိတ်
- မာယာစိတ်
- - မရှိတာကို ရှိတယ်လို့ ထင်လာအောင် လှည့်ဖြားတယ်။ ရှိတာကို ဗန်းပြပြီး ဖြားယောင်းသွေးဆောင်တယ်။ လိမ်ညာ မြှူဆွယ်တယ်။ အဓိကကတော့ လိုချင်တာကို ရအောင်ယူတဲ့နည်းတွေ ထုတ်သုံးတဲ့ အဓိပ္ပာယ်ဖြစ်နေလို့ မာယာ ဆိုတာ လောဘအုပ်စုဝင် စိတ်အမျိုးအစားပဲ။
- မားမားမတ်မတ်စိတ်
- - အာရုံတစ်ခုခုရဲ့ ထိခတ်မှုအရှိန် ပြင်းထန်လို့ စိတ်ယိုင်ပြီး လဲကျသွားတယ် ဆိုရင် မားမားမတ်မတ်စိတ်ကို ချက်ချင်း ပြန်ထူထောင်နိုင်တဲ့ အလေ့အကျင့်မျိုး ခုတည်းက တည်ဆောက်ပြီး ကြိုတင်ပြင်ဆင်ထားဖို့ လိုမယ်။