- မပြောင်းလဲသောစိတ်
- - ခန္ဓာကိုယ်အကြောင်း၊ စိတ် စေတသိက်တွေရဲ့အကြောင်းတွေကို အမှန်အတိုင်း ကိုယ်တိုင်လက်တွေ့သိပြီးသွားရင် မိမိရဲ့ အမှန်သိကို ဘာအကြောင်းကြောင့်မှ မပြောင်းလဲတော့ဘဲ အမှန်ကို အမှန်အတိုင်း ဆက်တိုက်သိနေဖို့သာ အဆင်သင့် လုပ်ထားတဲ့ စိတ်အနေအထား။
- မပြတ်မသားစိတ်
- - သိစရာရှိတာတွေထဲက သိကိုသိရမယ့် အသိကို တိတိကျကျ မသိရင် မပြတ်မသားတဲ့ စိတ်အနေအထားမျိုး ဖြစ်နေမှာပဲ။ မပြတ်သားတဲ့စိတ်ကြောင့်လည်း သိစရာရှိတာတွေထဲက ဘယ်အရာကို သိရမှန်းမသိလို့ စိတ်က မပွင့်တပွင့် ဖြစ်နေဦးမှာပဲ။ အဓိက အကြောင်းရင်း ကတော့ သိတဲ့အသိက မဖြစ်စလောက်ပဲ သိတဲ့အသိဖြစ်နေလို့ပဲ။ မဖြစ်စလောက် အသိလေးဟာ လူ့အသိုင်းအ၀ိုင်းထဲမှာ အသုံးမတည့်ဘူးဆိုတာ ထပ်ဆင့်သိပြီး အရှက်ကွဲတဲ့ အဆင့်ရောက်သွားရင် မဖြစ်ညစ်ကျယ် အကြံအစည်တွေဝင်ပြီး မဖွယ်မရာအမှုတွေကို ကျူးလွန်တတ်လာတယ်။ ဒါဟာ လူ့အဖွဲ့အစည်းထဲမှာ သတ်မှတ်ထားတဲ့ စိတ်အဆင့်ကို မမီမကမ်းဖြစ်တဲ့ စိတ်ကြောင့်ပဲ။
- မမေ့နိုင်သောစိတ်
- - အာရုံနဲ့စိတ် စိတ်ချင်း ထိတွေ့ချက် ပြင်းထန်မှုကြောင့် အမှတ်ရစရာ တစ်ခုခုဟာ အမြဲတမ်းလိုလို ဖြစ်ပေါ်နေတဲ့ စိတ်အရှိန် တစ်ခု။
- မမေ့သောစိတ်
- - သတိလို့ သတ်မှတ်ထားတဲ့ စိတ်တစ်ခုကို အမြဲတမ်း အမှတ်ရနေတာဟာ မမေ့တဲ့စိတ်ပဲ။
- မမှိတ်မသုန်စိတ်
- - တရားတော်နဲ့အညီ အမှန်ကို အမှန်အတိုင်း တိတိကျကျ စွဲစွဲမြဲမြဲ သိရှိထားတဲ့ စိတ်အသိတွေဟာ စိတ်ကို စောင့်ကြည့် သိမှတ်တဲ့ စိတ်အလုပ်ထဲမှာ အာရုံဝင်စားမှု ထက်သန်ခြင်း၊ စူးစိုက်မှုအားကောင်းခြင်း၊ စေ့စပ်သေချာတိကျခြင်း၊ အရည်အချင်းတွေကို အထောက်အကူ ဖြစ်စေတဲ့ စိတ်အမျိုးအစား။
- မမှန်မကန်စိတ်
- - သိစရာရှိတာတွေကို အမှန်အတိုင်း အတိအကျ မသိသေးရင် မရိုးသားတဲ့စိတ်၊ ဖြောင့်မတ်မှုမရှိတဲ့စိတ်တွေနဲ့ မမှန်မကန် ဖြစ်နေနိုင်တဲ့ စိတ်အနေအထား။
- မမျှော်လင့်သောစိတ်
- - မျှော်လင့်တယ်ဆိုတာ လိုချင်တဲ့စိတ်တွေ ပါနိုင်တယ်။ လုပ်ကိုလုပ်ရမယ့် အလုပ်တွေကို ဘာမျှော်လင့်ချက်မှ မထားဘဲ လုပ်နိုင်သလောက် လုပ်နေရုံပဲ။ အရာရာကို ပိုင်ဆိုင်ခွင့်မရှိတဲ့ သဘာဝအရ မျှော်လင့်ခွင့် မရှိတာကို သိနေတဲ့စိတ်။
- မယုံသလိုလို ယုံသလိုလိုစိတ်
- - ဒုက္ခက လွတ်မြောက်စေတဲ့ ကျင့်စဉ်အမှန်အတိုင်း၊ ကိုယ်တိုင်လက်တွေ့ အားထုတ်မှု မရှိသေးရင် စိတ်ကြောင့်ဖြစ်တဲ့ စိတ်ဒုက္ခတွေကို စောင့်ကြည့်သိမှတ်တဲ့ စိတ်လုပ်ငန်းစဉ်အပေါ်မှာလည်း မယုံသလို ယုံသလိုစိတ်တွေ ဖြစ်နေမှာပဲ။
- မယိုင်လဲသောစိတ်
- - အရှက်တရား၊ အကြောက်တရား၊ ကိုယ်ကျင့်တရား၊ အသိတရားစတဲ့ လူ့ဂုဏ်သိက္ခာနဲ့ ပတ်သက်ရင် အတိမ်းအစောင်း အထိအပွန်း မခံဘဲ ထိန်းသိမ်းစောင့်ရှောက် ကာကွယ်ထားတဲ့စိတ်။