ထော်လော်ကန့်လန့်စိတ်
- အရွဲ့တိုက်တဲ့သဘော၊ ဆန့်ကျင်တဲ့သဘော၊ ကန့်ကွက်တဲ့သဘော၊ သဘောမတူတဲ့သဘောကို ထုတ်ဖော်ပြသတဲ့ စိတ်အမျိုးအစား။
ထိုထိုဤဤစိတ်
- ဟိုဘက်လိုလို၊ ဒီဘက်လိုလို မပြတ်သားတဲ့သဘောကို ဖော်ပြတဲ့ စိတ်ပုံစံ။
ထိုးဆွသောစိတ်
- စိတ်ကိုစောင့်ကြည့်သိမှတ်တဲ့ စိတ်အလုပ်လုပ်နေတဲ့ အချိန်တိုင်းမှာ သိသာထင်ရှားစွာ ထိုးစစ်ဆင်၊ ဒုက္ခပေး ထိုးဆွနေတဲ့ စိတ်ဟာ သတိလွတ်နေခြင်းပဲ။
ထိုးထွင်းသိမြင်စိတ်
- သိစရာမှန်သမျှ အရာအားလုံးကို ဆရာမလို၊ ကိုယ်တော်တိုင် ကိုယ်ပိုင်ဉာဏ်နဲ့ အကြွင်းအကျန်မရှိ အကုန်အစင် ထိုးထွင်း၍ ထိုးဖောက် သိမြင်တော်မူတဲ့ မြတ်စွာဘုရားရဲ့ အသိဉာဏ် ပညာတော်။
ထိုးနှက်စိတ်
- စိတ်ကိုစောင့်ကြည့်သိမှတ်တဲ့ စိတ်လေ့ကျင့်ခန်းကို စတင်အားထုတ်တဲ့အချိန်မှာ အထိန်းအချုပ်မရှိဘဲ ပစ်စလက်ခတ် လွင့်ချင်ရာ လွင့်ပြီး အကျင့်ပါနေတဲ့ အတွေးစိတ်က အလုပ်လုပ်နေတဲ့ စိတ်ကို အနှောင့်အယှက်ပေး တိုက်ခိုက်နေတတ်တဲ့ စိတ်အမျိုးအစား။
(အဲဒီ အကျင့်ပါနေတဲ့ စိတ်ရဲ့ထိုးနှက်ချက်ကို အာရုံအဖြစ်ယူပြီး စောင့်ကြည့်သိမှတ်နေတဲ့စိတ်က သတိဖြစ်အောင်၊ အသိဉာဏ် ဖြစ်အောင် ပြောင်းရွှေ့ယူလိုက်။ ပြီးတော့ မိမိစိတ်ကို မိမိပြန်စစ်ဆေး။ ထိုးနှက်တဲ့ဘက်မှာ မိမိစိတ်ရောက်နေလား သိမှတ်နေတဲ့ဘက်မှာ မိမိ အသိစိတ် ရှိနေရဲ့လား? ဒါဟာ ထိုးနှက်စိတ်ကို ဖြေရှင်းနည်းပဲ။)
ထက်ကြပ်မကွာစိတ်
- စိတ်ကိုစောင့်ကြည့်သိမှတ်နေတဲ့ စိတ်အလုပ်ကို အားထုတ်နေတဲ့အချိန်မှာ ၀င်လာသမျှ အာရုံတွေကို သိမှတ်နေတဲ့ စိတ်အသိရယ်၊ သိမှန်းသိနေတဲ့ အသိရယ်၊ တစ်ခုနဲ့တစ်ခု အဆက်မပြတ် ဆက်တိုက် တရစပ် တောက်လျှောက် သိမှတ်နေတဲ့ စိတ်အနေအထား။
ထက်သန်စိတ်
- အသိဉာဏ်ပညာ ထက်မြက်တိုးတက်အောင် တည်ဆောက်တဲ့နေရာမှာ စွမ်းအားဖြစ်စေမယ့် စိတ်လေ့ကျင့်ခန်းတွေကို အကြိမ်ပေါင်းများစွာ ထပ်တလဲလဲ အားထုတ်ရင် လိုအပ်တဲ့ တက်ကြွထက်သန် စိတ်အမျိုးအစား။
ထောက်ခံစိတ်
- ပြဿနာဖြစ်မှာစိုးလို့ ဘာမှန်းမသိဘဲ ရောယောင်ခေါင်းညိတ် ထောက်ခံတာမျိုး မဟုတ်ဘဲ အများအတွက် အကျိုးရှိစေမယ့် အလုပ်တစ်ခုကို မိမိအနေနဲ့ ဦးစီးဦးဆောင် မလုပ်နိုင်လို့ လုပ်နိုင်သူက ရှေ့ဆောင်လုပ်ပြနေတာကို သဘောတူ ထောက်ခံပြီး နောက်က ပံ့ပိုး ကူညီတဲ့ စိတ်အနေအထား။
ထောက်ထားညှာတာစိတ်
- လောကနဲ့ လူတွေကြားထဲမှာ ဖြစ်တတ်တဲ့ လူ့သဘာဝ ပြဿနာသဘောတရားတွေကို သဘောပေါက်နေပြီး အရာရာကို အကောင်းဘက်ကသာ ကြောင်းကျိုးဆက်စပ် တွေးခေါ် မြော်မြင်ပြီး လူသားချင်း စာနာတတ်တဲ့ စိတ်အနေအထား။
ထောက်ပံ့သောစိတ်
- မပြည့်မစုံ ဒုက္ခရောက် နွမ်းပါးနေတဲ့သူတွေကို မိမိမှာရှိတဲ့အထဲက ခွဲဝေပေးဖို့ လိုလိုလားလား ဖြစ်နေတဲ့ ကူညီပံ့ပိုး စိတ်အမျိုးအစား။