တစ်ပြေးညီစိတ်
- စိတ်ကိုစောင့်ကြည့်သိမှတ်တဲ့ လေ့ကျင့်ခန်းမှာဆိုရင်တော့ ကြိုက်တာလည်း မဟုတ်ဘူး။ မကြိုက်တာလည်း မဟုတ်ဘူး။ ခံစားမှု မရှိဘဲ သိမှတ်နေတဲ့ အသိနဲ့တစ်ပြေးညီ ဖြစ်နေတဲ့စိတ်။ လောကီအရပြောရရင် ဆင်းရဲချမ်းသာမရွေး၊ လူမျိုးဘာသာမရွေး လူလူချင်း စာနာစိတ်နဲ့ လူကိုလူလိုပဲ သဘောထားထားတဲ့ တစ်ပြေးညီစိတ်။
တစ်ဖက်ကမ်းခပ်စိတ်
- ပညာရပ်တစ်ခုကို လေ့လာရှာဖွေ သိကြားတဲ့အချိန်ကစပြီး ထောင့်ပေါင်းစုံကို စနစ်တကျ ကျွမ်းကျင်အောင် ကိုယ်တိုင် လက်တွေ့ လေ့ကျင့်အားထုတ်ထားလို့ သိစရာတွေကို ကျွမ်းကျွမ်းကျင်ကျင် သိနေတဲ့ အဆင့်မြင့်စိတ်။
တစ်ဖက်စောင်းနင်းစိတ်
- သမာသမတ် မကျတဲ့သူတွေဟာ တစ်စုံတစ်ခုကို ဆုံးဖြတ်တဲ့နေရာမှာ အညီအမျှ မဖြစ်ဘဲ မျက်နှာကြီးရာ ဟင်းဖတ် ပါသွားတဲ့ တစ်ဖက်စောင်းနင်း စိတ်အမျိုးအစား။
တစ်ဖက်သတ်ဖြစ်နေသောစိတ်
- လူ့အသိုင်းအ၀ိုင်းထဲမှာ အကြောင်းအမျိုးမျိုးကြောင့် ပတ်သက် ဆက်နွယ်နေတဲ့ လူသားအချင်းချင်း ဆက်ဆံတဲ့နေရာမှာ တစ်ဖက်သားရဲ့ စိတ်ကို အသိအမှတ်မပြုဘဲ မိမိဖြစ်ချင်မှု လိုချင်မှုကိုသာ ဦးစားပေးတဲ့ အတ္တစိတ်အမျိုးအစား။
တစ်ဖြောင့်တည်းထားသောစိတ်
- ခေါင်းစဉ်ထဲမှာ စိတ်အဓိပ္ပာယ်ပါဝင်နေပါတယ်။
တစ်မူထူးခြားစိတ်
- ပန်းတိုင်ရောက်တာချင်းအတူတူ သမရိုးကျလမ်းဟောင်းက မသွားဘဲ လမ်းသစ်က သွားရင်ရော မရောက်နိုင်ဘူးလား? သူများလုပ်နေကျ လုပ်ရိုးလုပ်စဉ်အတိုင်း မလုပ်ဘဲ ဒီလိုတီထွင်ကြည့်ရင်ရော မရဘူးလား? စတဲ့ ဆန်းသစ်တဲ့အတွေးတွေနဲ့ လှုပ်ရှားသူတွေရဲ့ အကောင်အထည်ဖော်ပြမှုတွေဟာ မြင်နေကျ၊ ကြားနေကျ၊ တွေ့ကြုံနေကျသူတွေနဲ့ မတူဘဲ ထူးခြားနေတဲ့ ဖန်တီးရှင်ရဲ့ စိတ်အနေအထား။
တစ်ယူသန်စိတ်
- ‘ဘယ်သူက ဘာပြောပြော ငါကတော့ ဒါပဲ’ဆိုတဲ့ အယူအဆနဲ့ မှားမှားမှန်မှန် ဘယ်လို အကြောင်းကြောင့်နဲ့မှ မပြောင်းလဲတဲ့ ဒါဆိုဒါပဲ စိတ်အမျိုးအစား။
တစ်ရှူးထိုးစိတ်
- စဉ်းစားဆင်ခြင် တွေးဆချင့်ချိန် သုံးသပ်ခြင်း မရှိဘဲ၊ ဘာကိုမှ ဂရုမစိုက်ဘဲ၊ ဘယ်သူ့ကိုမှ အာရုံထဲမှာ မထားဘဲ စိတ်ဆန္ဒ ရှိသလောက် မျက်စိစုံမှိတ်ပြီး တစ်ရှိန်ထိုး လှုပ်ရှားတတ်တဲ့ စိတ်အမျိုးအစား။
တစ်သမတ်တည်းစိတ်
- အပြောင်းအလဲမရှိတဲ့ စိတ်အမျိုးအစား။
တစ်သဝေမတိမ်းစိတ်
- ဘယ်နေရာပဲရောက်ရောက်၊ ဘယ်အလုပ်ပဲလုပ်လုပ် သတ်မှတ်ထုတ်ပြန်ထားတဲ့ စည်းကမ်းနဲ့အညီ လိုက်နာကျင့်သုံးရတဲ့ စိတ်ဥပဒေ။
တစ်သားတည်းစိတ်
- လူသားချင်း စာနာစိတ်ကြောင့် ဆင်းရဲချမ်းသာမရွေး အားလုံးနဲ့ တစ်ပြေးညီ ဖြစ်နေတဲ့ စိတ်အနေအထား။
တစ်သီးတခြားစိတ်
- ခေါင်းစဉ်ထဲမှာ စိတ်အဓိပ္ပာယ် ပါဝင်နေပါတယ်။
တစ်ဟုန်ထိုးစိတ်
- အဆက်မပြတ် ဖြစ်ပေါ်ချုပ်ပျောက်နေတဲ့ စိတ်အသွားအလာတွေကို သိမှတ်နိုင်တဲ့ စိတ်စွမ်းအားကောင်းလာရင် ကြားဖြတ်စိတ် ၀င်ခွင့်မရတော့တဲ့အထိ သိမှတ်မှုအရှိန်ဟာ အမြင့်ဆုံးအဆင့်ကို ချက်ချင်းရောက်သွားတဲ့ စိတ်အရှိန်။