-
စ အက္ခရာစဉ်ထဲမှာ ပါဝင်နေတဲ့ စလုံး အက္ခရာခေါင်းစဉ်နဲ့ နာမည်များ
- စွန့်လွှတ်စိတ်
- - စိတ်ကို စောင့်ကြည့်သိမှတ်တဲ့ အားထုတ်မှု အားကောင်းလာရင် ခန္ဓာကိုယ်နဲ့ ခန္ဓာကိုယ်ထဲက အင်္ဂါအစိတ်အပိုင်းတွေဟာ သူ့အလုပ်သူ လုပ်နေကြတာ အံ့သြစရာကောင်းလောက်အောင် အဆက်မပြတ် ဖြစ်နေတာကို သိကြည့်လို့ရတယ်။ အာရုံခြောက်ခုကလည်း သက်ဆိုင်ရာ အာရုံတွေကို တစ်ခုပြီးတစ်ခု ဖြစ်ပေါ်ပေးနေတာ တစ်ချက်မှ မရပ်ဖူး။ ဆက်တိုက်ပဲဆိုတာ သိလို့ရနေတယ်။ ခန္ဓာငါးပါးရဲ့ ရုပ်နဲ့ ခံစားစိတ်၊ မှတ်သားစိတ်၊ သိတဲ့စိတ်၊ လှုံ့ဆော်တိုက်တွန်းစိတ်တွေကလည်း တစ်လှည့်စီ တစ်ခုပြီးတစ်ခု အလုပ်တွေ ရှုပ်နေတာ တရစပ်ပဲ။ ရပ်နေတာ တစ်ခုမှ မရှိဘဲ တစ်ခုပြီးတစ်ခု စွန့်လွှတ်နေတဲ့ သဘာဝကို သိနိုင်တယ်။ လုံးဝအိပ်ပျော်နေလို့ စိတ်က အလုပ်မလုပ်ဖူးဆိုရင်လည်း ခန္ဓာကိုယ်ထဲက အစိတ်အပိုင်းတွေက အလုပ်လုပ်နေကြတာ မရပ်မနားဘဲဆိုတာ သဘောပေါက်ပေးလို့ ရနေတယ်။ ခန္ဓာကိုယ်နဲ့ စိတ် စေတသိက်တွေရဲ့သဘာဝ သဘောတရားတွေကို တိတိကျကျ သဘောပေါက်နေပြီဆိုရင် အရာရာကို စွန့်လွှတ်နေရတဲ့ သဘာဝကို သိကြည့်လို့ ရနေတယ်။ အနိစ္စဆိုတဲ့သဘောကို အသေးစိတ် သဘောပေါက်လို့ ရလာတယ်။ အနတ္တဆိုတဲ့သဘောကို အသေးစိတ် သဘောပေါက်လို့ ရလာတယ်။ ဆိုတော့ စွန့်လွှတ်တယ်ဆိုတာကြီးက သဘာဝဖြစ်နေတယ်။ မိမိဘက်က ပင်ပင်ပန်းပန်းကြီး စွန့်လွှတ်နေစရာ မလိုဘဲ သဘာဝက စွန့်လွှတ်နေတဲ့အပေါ်မှာ သတိစိတ်လေးတင်ပြီး သိကြည့်နေရင် စွန့်လွှတ်နေတဲ့ စိတ်ကို မြင်ရတယ်။
- စွပ်စွဲသောစိတ်
- - ခေါင်းစဉ်ထဲမှာ စိတ်အဓိပ္ပာယ် ပါဝင်နေပါတယ်။
- စွမ်းစွမ်းတမံစိတ်
- - စိတ်ရဲ့အရည်အချင်းကို ဂုဏ်ပြုဖော်ပြတဲ့ စိတ်ခေါင်းစဉ်နာမည် တစ်ခုပါပဲ။ စိတ်ရဲ့စွမ်းဆောင်နိုင်မှု အရည်အချင်းကတော့ မဖြစ်နိုင်တာ ဘာမှမရှိအောင် အစွမ်းထက်လွန်းပါတယ်။ စိတ်စွမ်းအားကြီးပြီး စွမ်းရည်သတ္တိ အားကောင်းလွန်းရင် ဒုက္ခတွေထဲက လွတ်အောင် ရုန်းထွက်နိုင်တယ်။ အိုခြင်း၊ နာခြင်း၊ သေခြင်း သံသရာထဲက လွတ်အောင် ရုန်းထွက်နိုင်တယ်။ ဘ၀အသစ်တွေ ထပ်တလဲလဲ ဖြစ်နေတာကို ရပ်တန့်သွားအောင် စွမ်းဆောင်နိုင်တယ်။ (စိတ်နဲ့ စေတသိက်တွေရဲ့ စွမ်းအားကို ထိန်းချုပ်နိုင်တဲ့ အသိနဲ့သတိ ရှိဖို့ပဲလိုတယ်။)