ဖူးဖူးမှုတ်စိတ်
- ဒီခေါင်းစဉ်နဲ့ စိတ်မျိုးကို ဖြစ်ပေးတဲ့သူရော၊ ရယူသူရော၊ အန္တရာယ်ရှိတယ်။ ဖူးဖူးမှုတ်ပြီး ဘာမှမခိုင်းလို့ ဘာမှ မလုပ်တတ်တာ့ဘူး။ ရုတ်တရက် ခေါက်ချိုးပြောင်းရွှေ့တတ်တဲ့ လောကဓံရှစ်ပါးနဲ့တွေ့ရင် ဒူးထောက်အရှုံးပေးရမှာ သေချာတယ်။ သံယောဇဉ်ရှိတယ်။ ချစ်တယ်ဆိုတဲ့ တပည့် သားသမီးတွေကို တိုးတက်စေချင်ရင် ဖူးဖူးမှုတ်တဲ့စိတ်ကို ချက်ချင်း ရပ်ဆိုင်းလိုက်ပါ။ မိမိကိုယ်မိမိ အားကိုးနိုင်တဲ့ အရည်အချင်းမျိုးကို ကိုယ်ပိုင်ရှိချင်တဲ့ တပည့် သားသမီးတွေကလည်း ဖူးဖူးမှုတ်ခံနေရတဲ့ အန္တရာယ်စိတ်ကို ဆန့်ကျင် ငြင်းပယ်ကြပါ။
ဖူးမြော်စိတ်
- စိတ်ဒုက္ခ အနှောင့်အယှက်ထဲက လွတ်မြောက်အောင် အားထုတ်သိကျင့်နိုင်တဲ့ စိတ်အသိတစ်ခု ရတိုင်း မြတ်စွာဘုရားရဲ့ ကျေးဇူးတရားကို ကျေးဇူးတင်စွာ အမှတ်ရပြီး ဖူးမြော်အာရုံပြုနေတဲ့စိတ်။
ဖေးမကူညီစိတ်
- မှောင်နေရင် မီးထွန်းပေးလိုက်ပါ။ ဆာလောင်နေသူကို မိမိထဲက တစ်ဝက်ခွဲဝေပေးလိုက်တဲ့ လူသားချင်း စာနာဖေးမ ကူညီစိတ်။
ဖဲကြဉ်ရှောင်ခွာစိတ်
- သူတစ်ပါး အကျိုးစီးပွားကို ထိခိုက်နစ်နာစေလိုတဲ့ စိတ်နဲ့ လိမ်လည်လှည့်ဖြား မုသားပြောဆိုခြင်း။ ကုန်းတိုက်စကားပြောဆိုခြင်း။ သူ့အတွက် အကျိုးမရှိ၊ မိမိအတွက် အကျိုးမရှိတဲ့ စကားတွေကို အချိန်ကုန်ခံ ဝေလေးဝါးလားပြောဆိုခြင်း၊ ရုန့်ရင်းကြမ်းတမ်းတဲ့စကားတွေကို အော်ဟစ်ဆဲဆိုခြင်း ၀စီကံလေးခုကို ဖဲကြဉ်ရှောင်ရှားစိတ်။
သူတစ်ပါးအသက်ကို သေစေလိုတဲ့စိတ်နဲ့ သေအောင်သတ်ခြင်း။
သူတစ်ပါး ဥစ္စာပစ္စည်းကို ပိုင်ရှင်မပေးဘဲ လိုချင်တပ်မက်တဲ့စိတ်နဲ့ ခိုးယူခြင်း။
အုပ်ထိန်းမှုအောက်မှာ ရှိနေသေးသူနဲ့ သူတစ်ပါးအိပ်ယာကို ဖောက်ပြန်စိတ်နဲ့ ကိုယ်ထိလက်ရောက် စောက်ကားကျူးလွန်ခြင်း ကာယကံသုံးခုကို ဖဲကြဉ်ရှောင်ရှားစိတ်။
ကာယကံ ၀စီကံ ခုနစ်ခုနဲ့ ငြိစွန်းတဲ့ အသက်မွေးဝမ်း ကျောင်းပြုလုပ်ခြင်းကို ဖဲကြဉ်ရှောင်ရှားစိတ်။ မိမိစိတ်အစဉ်ရဲ့ သန့်ရှင်းစင်ကြယ်မှုကို ပျက်စီးစေမယ့် စိတ်နဲ့ ပြစ်မှားကျူးလွန်ဖောက်ပြန်မှုကို စက္ကန့်မလပ် ဖဲကြဉ်ရှောင်ရှားစိတ်။
ဖောခြင်းသောခြင်းစိတ်
- လူမချမ်းသာပေမယ့် လူလူချင်းစာနာထောက်ထားစိတ်၊ ကူညီစောင့်ရှောက်စိတ်တွေ ပေးမကုန်အောင် ဖောခြင်း သောခြင်း များပြားနေတဲ့စိတ်။ လူအများစု ဒုက္ခနဲ့ကြုံတွေ့တဲ့ အခါမျိုးမှာ ငွေအားမတတ်နိုင်ပေမယ့် လုပ်အားဒါနကို ဖောဖောသီသီ အစွမ်းကုန် ထုတ်သုံးတဲ့ စိတ်အမျိုးအစား။
ဖော်ထုတ်စိတ်
- သတိဆိုတဲ့စိတ်ကို ဖော်ညွှန်းတဲ့နေရာမှာ သတိစိတ်အဖြစ် မိမိဘက်က သတ်မှတ်ထားတဲ့ စိတ်တစ်ခုကို အမြဲတမ်း အမှတ်ရနေပြီး အလုပ်လုပ်နေအောင် အသိနဲ့ဖော်ထုတ်နေတဲ့ လက်တွေ့သိကျင့်မှု။ သတိလို့ သတ်မှတ်ထားတဲ့စိတ်ဟာ သတိထားတဲ့အလုပ်ကို လုပ်နေတာ သေချာရဲ့လားလို့ ဖော်ထုတ်ကြည့်နေတဲ့ စိတ်လေ့ကျင့်မှု။ သတိထားတဲ့အလုပ်က အလုပ်လုပ်နေလို့ သတိရှိနေတာကို စောင့်ကြည့် သိမှတ်မှုမှာ ထင်ထင်ရှားရှား ဖော်ပြနေတဲ့စိတ်။
ဖော်ရွေစိတ်
- လူအများနဲ့ ဆက်ဆံတဲ့သူတွေဆီမှာ အလုပ်သဘောအရ ရှိကိုရှိနေရမယ့် စိတ်အမျိုးအစား။
ဖိုသီဖတ်သီစိတ်
- သပ်သပ်ရပ်ရပ်၊ စည်းကမ်းတကျ၊ သိက္ခာရှိရှိ၊ ဣနြေ္ဒရရစတဲ့ တန်ဖိုးရှိစကားတွေနဲ့ မညီမညွတ်တဲ့ ဖြစ်ကတတ်ဆန်း ပြီးစလွယ် ပေါ့ပေါ့ဆဆ ဖိုးရိုးဖားရား စိတ်အမျိုးအစား။
ဖက်တွယ်စိတ်
- တစ်စုံတစ်ရာကို တွယ်ငြိ၊ တွယ်ကပ်၊ မှီခိုနေရတဲ့ စိတ်အဓိပ္ပာယ်တွေ ပါဝင်နေလို့ မိမိကိုယ်ကိုသာ အားကိုးရာဆိုတဲ့ အဆင့်မြင့် စကားနဲ့ မကိုက်ညီဘူး။ ပြီးတော့ အစွဲအလမ်း အုပ်စုဝင် စိတ်အမျိုးအစားထဲမှာလည်း ပါဝင်နေလို့ ဒုက္ခဖြစ်စေနိုင်တဲ့ စိတ်အမျိုးအစား။