အိပ်ပျော်နေသောစိတ်
- နှစ်နှစ်ခြိုက်ခြိုက် အိပ်ပျော်နေတဲ့အချိန်မှာ စိတ်က ဘာအလုပ်မှ မလုပ်တော့ဘဲ ငြိမ်သက်နေတဲ့ စိတ်အမျိုးအစား။
အိပ်မက်ထဲကစိတ်
- တကယ့် လက်တွေ့မဟုတ်တဲ့ စိတ်အမျိုးအစား။ သွေးလေ မညီညွတ်တာမျိုး။ အိပ်ပျော်သလို၊ အိပ်မပျော်သလို ဖြစ်နေတဲ့အချိန်မှာ အိပ်မပျော်သေးတဲ့ စိတ်တစ်ခုက အာရုံခြောက်ပါးနဲ့ ပတ်သက်ပြီး မိမိဖြစ်ချင်တာတွေ၊ မဖြစ်ချင်တာတွေ၊ စွဲလမ်းမိတာတွေကို စိတ်အာရုံမှာ ဖြစ်ပေါ်နေတဲ့ စိတ်အမျိုးအစား။
အုပ်ထိန်းမှုမရှိသောစိတ်
- အကွပ်မရှိတဲ့ကြမ်း ပရမ်းပတာတဲ့။ နဂိုကမှ စိတ်ဆိုတာမျိုးက တစ်နေရာတည်းမှာ ရှိမနေတတ်ဘူး။ အာရုံခြောက်ပါးနဲ့ ပတ်သက်ပြီး အာရုံကျရာ စပ်စုနေတတ်တာ။ ပျံ့လွင့်နေတတ်တာ။ အဲဒီလို အနေအထားမျိုး ဖြစ်နေတဲ့စိတ်ကို မထိန်းချုပ်နိုင်ဘူးဆိုရင်။
အန်းတန်းတန်းစိတ်
- တစ်ယောက်နဲ့တစ်ယောက် ပွင့်ပွင့်လင်းလင်း မဆက်ဆံခဲ့ဖူးတော့ တွေ့တဲ့အခါမှာ ရင်းရင်းနှီးနှီး မဖြစ်ဘဲ၊ ရှက်သလိုလို၊ အားနာသလိုလို ဖြစ်နေတဲ့စိတ်။
အုံကြွနေသောစိတ်
- ဖြစ်ချင်လွန်းတဲ့ အလုပ်တစ်ခုကို လုပ်ဖို့ သေချာတဲ့ အဖြေထွက်အောင် ဆုံးဖြတ်လို့မရသေးတဲ့ အချိန်မျိုးမှာ ဖြစ်နေတဲ့ စိတ်အနေအထား။
အုံ့ဆိုင်းနေသောစိတ်
- စင်ကြယ် ရှင်းလင်းမှု မရှိဘဲ မှိုင်းထနေတဲ့၊ မဲမှောင်ကျနေတဲ့၊ သုန်မှုန်နေတဲ့ မကျေမနပ် စိတ်အနေအထား။
အုံ့ပုန်းစိတ်
- ဖြစ်ချင်၊ လုပ်ချင်၊ ပြောချင်တာတွေကို ထုတ်ဖော်မပြဘဲ စိတ်ထဲမှာပဲ သိမ်းဆည်းထားတဲ့ စိတ်အမျိုးအစား။

Next Chapter »