ကကြီး အက္ခရာ ကနေ အ အက္ခရာ အထိ နာမည်ပေါင်းများစွာနဲ့ စိတ်အမျိုးအစားတွေ ဘယ်လောက်များများ၊ မိမိစိတ်ထဲကို ၀င်လာတဲ့အချိန်မှာ တစ်ခုတည်းပဲ ၀င်ခွင့်ရတာ စိတ်ရဲ့သဘာဝ။

ဝင်ခွင့်ရတဲ့ စိတ်မှန်သမျှဟာလည်း ၀င်လာပြီးတာနဲ့

ချက်ချင်း မရှိတော့ဘူး။ ဒါလည်း စိတ်သဘာဝ။

စိတ်ကိုစောင့်ကြည့် သိမှတ်တဲ့ စိတ်လေ့ကျင့်ခန်း လုပ်တဲ့နေရာမှာ မိမိစိတ်ထဲ ၀င်ခွင့်ရတဲ့ တစ်ခုတည်းသော စိတ်ကိုသာ နိုင်အောင် ထိန်းပေးရုံပဲ။

အများကြီးကို ထိန်းရမှာ မဟုတ်ဘူး။

စိတ်တစ်ခုတည်းကိုသာ ဆက်တိုက် ထိန်းပေးနေရမှာ။

မိမိစိတ်ထဲကို ဘယ်လို အက္ခရာခေါင်းစဉ် နာမည်နဲ့ စိတ်အမျိုးအစား ၀င်ရောက် ခြယ်လှယ်နေလဲ?

စိတ်ထဲမှာရှိလာတဲ့ စိတ်နာမည်ကို သိရင် အက္ခရာစဉ်ထဲမှာ ရှာကြည့်!

ရှာလို့တွေ့တဲ့အချိန်မှာ ရှာခဲ့တဲ့စိတ်အမျိုးအစားက မိမိစိတ်ထဲမှာ မရှိတော့ဘဲ နောက်တစ်ခုရောက်နေတာ သတိ ထားမိလိမ့်မယ်။

ဝင်လာသမျှ စိတ်တွေကိုသာ စောင့်ကြည့်သိမှတ်နေရင် စိတ်ချင်းစိတ်ချင်း ထိတွေ့ပြီး ခံစားနေရတဲ့ အကျဉ်းအကျပ် ထဲက လွတ်မြောက်ပြီးသား ဖြစ်နေတာကို ကိုယ်တိုင် လက်တွေ့သိလာလိမ့်မယ်။

စိတ်ကိုကောင်းအောင် ခြယ်လှယ်တဲ့ စေတသိက်တွေ၊

စိတ်ကိုမကောင်းအောင် ခြယ်လှယ်တဲ့ စေတသိက်တွေ၊

ကောင်းတဲ့ စိတ်ကိုရော၊

မကောင်းတဲ့ စိတ်ကိုရော နှစ်မျိုးလုံးကို ခြယ်လှယ်တဲ့ စေတိသိက်တွေ အကုန်လုံးကို ကိုယ်တိုင်ဖြစ်ဖူးတယ်။

ခံစားဖူးတယ်။

ကကြီးအက္ခရာကနေ အ အက္ခရာအထိ နာမည်ပေါင်းများစွာနဲ့ စိတ်အမျိုးအစား အကုန်လုံးကို ကိုယ်တိုင် ဖြစ်ဖူးတယ်။

ခံစားဖူးတယ်။

နှစ်ပေါင်း ၄၁နှစ်

မြင်သမျှ၊ ကြားသမျှ၊ အာရုံခြောက်ပါးနဲ့ ပတ်သက်တဲ့ ဇာတ်လမ်းပေါင်းများစွာကို ကိုယ်တိုင်ရေးခဲ့၊ ဖန်တီးခဲ့သူ ဆိုတော့

ဇာတ်လမ်းနဲ့ ပတ်သက်တဲ့ လူဆိုး၊ လူကောင်း၊

လူညစ်ပတ်၊ လူသန့်ရှင်း၊

ယောက်ျား၊ မိန်းမ အကုန်လုံးရဲ့ ခန္ဓာငါးပါးအကြောင်းနဲ့ ကာမဂုဏ်အာရုံတွေရဲ့ အကြောင်းတွေကို သိပေးရင်း၊ သိအောင်လုပ်ခဲ့ရင်း သူတစ်ပါးအတွက်ရော၊

ကိုယ့်အတွက်ပါ သိခဲ့၊ ခံစားခဲ့၊ လိုချင်တပ်မက်ခဲ့၊ စွဲလမ်းခဲ့၊ ရအောင်ယူခဲ့ရတဲ့ စိတ်တွေ ဖြစ်လာခဲ့တယ်။

တစ်ခါတလေ အာရုံခြောက်ပါးကြောင့် ဖြစ်ပေါ်လာတဲ့စိတ်တွေကို စမ်းသပ်တဲ့အနေနဲ့ စိတ်ကူးယဉ်ပြီး သိကြည့်၊ ခံစားကြည့်၊ ဖြစ်ကြည့်ခဲ့တာမျိုးတွေလည်း ရှိခဲ့ဖူးတယ်။

ထွက်လာတဲ့အဖြေကတော့ စိတ်ဆိုတာ တစ်ကြိမ်မှာ တစ်ခုပဲ ဖြစ်ခွင့်ရှိတယ်။ ဖြစ်ခွင့်ရတဲ့ စိတ်တွေအကုန်လုံးဟာလည်း သိကြည့်နေရင်းနဲ့ ချက်ချင်း မရှိတော့ဘူး။ ဆိုတော့ ထိန်းသိမ်းပေးရမှာက တစ်ခုတည်းသော စိတ်ကိုပဲ။

« Previous Chapter

Next Chapter »