ယိုးတိုးယိုင်တိုင်စိတ်
- ခိုင်မာ တည်ငြိမ်တဲ့စိတ်မျိုး မဟုတ်တာ သေချာတယ်။ ငြိမ်သက်အေးချမ်းတဲ့စိတ်မျိုး မဟုတ်တာ သေချာတယ်။ ခေါင်းစဉ်နာမည်ကိုက ယိုင်တီးယိုင်တိုင်နဲ့ ရွဲ့စောင်းယိုင်နဲ့နေတော့ ယိမ်းထိုး ယိမ်းယိုင်နေတဲ့ အဓိပ္ပာယ်ပါ ထပ်ပေါင်းလိုက်ရင် နာလန်ကို ထူမှာမဟုတ်တော့ဘူး။ အဲဒီတော့ ကာယကံရှင် စိတ်ပိုင်ရှင်က မိမိစိတ်ရဲ့ ယိုင်နဲ့နေတာကို ပြန်ပြီး တည့်မတ်သွားအောင် ပြုပြင်ဖို့လိုတယ်။ ဒီလိုစိတ်မျိုးက လူတွေဆီမှာ အကြာကြီး မရှိသင့်တဲ့ စိတ်တွေပဲ။
ယောက်ယက်ခတ်နေသောစိတ်
- စိတ်နဲ့ပတ်သက်တဲ့ လေ့ကျင့်ခန်း မရှိတဲ့သူတွေအတွက် လောကရဲ့ ဖြစ်နေကျသဘာဝ ရိုက်ချက် အပြင်းစားတွေနဲ့တွေ့ရင် လှုပ်လှုပ်ရှားရှားနဲ့ ပျာယာခတ်နေကြရဦးမှာပဲ။ ခံနိုင်ရည်ရှိတယ်ဆိုတာက ဖြစ်ပြီးပျက်တတ်တဲ့ သဘာဝသဘောတရားတွေကို နားလည်သဘောပေါက်ပြီး စိတ်ကို ကြိုတင် ပြင်ဆင်ထားမှရမှာ။
ယောင်ချာချာဖြစ်နေသောစိတ်
- ဘယ်ဟာအမှန်၊ ဘယ်ဟာအမှားဆိုတာကို ခွဲခွဲခြားခြား မသိသရွေ့တော့ ယောင်ချာချာ ဖြစ်နေမှာပဲ။ အမှားနဲ့ အမှန်ကို ကွဲကွဲပြားပြား မသိရင် ဖြစ်တတ်တဲ့ စိတ်ပုံစံ။
ယောင်ခြောက်ဆယ်စိတ်
- ဟိုလိုလို ဒီလိုလို ရောယောင်အချောင်လိုက်ရင်း အကျင့်ပါသွားတဲ့ စိတ်အမျိုးအစား။ စိတ်ကို စောင့်ကြည့်သိမှတ်နေတဲ့ လေ့ကျင့်ခန်းအရ တစ်ခုတည်းသော စိတ်ကိုသာ နိုင်အောင် ထိန်းရတဲ့ အလုပ်ကို ခက်ခက်ခဲခဲ တည်ဆောက်နေရတဲ့အချိန်မှာ ယောင်ခြောက်ဆယ် စိတ်ပုံစံမျိုးနဲ့ ပစ်စလက်ခတ် လွင့်မျောနေလို့ မဖြစ်ဘူး။
ယောင်တိယောင်ကန်းစိတ်
- ဗျည်းသုံးဆယ့်သုံးလုံးထဲက အခြားအက္ခရာတွေနဲ့ ယှဉ်ရင် ယပက်လက်အက္ခရာကို တန်ဖိုးလျော့စေတဲ့ စိတ်ခေါင်းစဉ်နာမည်တွေပဲ။ ယောင်တိယောင်ကန်းစိတ်၊ ယောင်ပေပေစိတ်၊ ယောင်မှားမှားစိတ်၊ ယောင်ယမ်းယမ်းစိတ်၊
ယောင်လည်လည်စိတ်၊ယောင်ဝါးဝါးစိတ်၊ ယောင်အအစိတ်၊ ယောင်အမ်းအမ်းစိတ်တဲ့။
ခံ့ထည်တဲ့ တန်ဖိုးမပါဘူး။ မရေမရာနဲ့ ညံ့ဖျင်းတဲ့ အဓိပ္ပာယ်တွေနဲ့ဆိုတော့ အားရစရာမရှိဘူး။ ကျေနပ်စရာ မရှိဘူး။ မိမိစိတ်ထဲမှာ မရှိသင့်တဲ့စိတ် အမျိုးအစားအဖြစ် နောက်ဆုံးထွက်သက်အထိ သတ်မှတ်ထားလိုက်ပါ။
ယဉ်ကျေးသိမ်မွေ့သောစိတ်
- ခေါင်းစဉ်ထဲမှာ စိတ်အဓိပ္ပာယ် ပါဝင်နေပါတယ်။
ယဉ်ပါးသောစိတ်
- သိစရာရှိတာတွေကို သိအောင်ရှာဖွေ သင်ယူတဲ့နေရာမှာ အခက်အခဲမရှိတာဟာ သင်ယူမယ့် ပညာရပ်နဲ့ ရင်းနှီးယဉ်ပါးနေတဲ့ ကြိုတင် လေ့လာထားမှုကြောင့်ပဲ။
ယုတ်မာသောစိတ်
- ယပက်လက်အက္ခရာကို ဒုတိယအကြိမ် ထိခိုက်စေတဲ့ “ယုတ်”ခေါင်းစီးနဲ့ ယုတ်ကန်းတဲ့စိတ်၊ ယုတ်ညံ့တဲ့စိတ်၊ ယုတ္တိယုတ္တာ မရှိတဲ့စိတ်၊ ယုတ်နိမ့်တဲ့စိတ်၊ ယုတ်မာတဲ့စိတ်။ အဆင့်အတန်း အနိမ့်ဆုံးအဖြစ် သတ်မှတ်ထားတဲ့ စိတ်အမျိုးအစားများ။
ယုတ်လျော့ကျသွားသောစိတ်
- ရရှိထားခဲ့ဖူးတဲ့ အဆင့်ကနေ လျော့ကျသွားတယ်ဆိုတည်းက မိမိရဲ့ညံ့ဖျင်းမှု၊ သတိလွတ်မှု၊ စိတ်ဝင်စားခြင်း နည်းပါးမှု၊ အာရုံစိုက်ခြင်း လျော့ကျမှု၊ စိတ်စုစည်းမှု စွမ်းအားကျဆင်းမှု၊ စိတ်ပျံ့လွင့်မှုတွေ များလာလို့ဆိုတဲ့ အပြစ်တွေကြောင့်ပဲ။ စိတ်တွေပြန်စုပါ။ ခိုင်မာအောင် တည်ဆောက်ပါ။ စိတ်သဘောသဘာဝကို သိလို့ကတော့ ယုတ်လျော့စေတဲ့ စိတ်တစ်ခုကို ဖယ်ထုတ်လိုက်တာနဲ့ ချက်ချင်း ပြန်တက်သွားမှာ သေချာတယ်။ ချက်ချင်း ပြင်လိုက်ပါ။