(၈) သူတစ်ပါး တိုးတက်အောင်မြင် ချမ်းသာတာကို လိုလားတဲ့ စိတ်အမျိုးအစားက မေတ္တာ ဆိုတဲ့စေတသိက်
ဒီနေရာမှာ မေတ္တာအတုက ရာဂ၊
မိမိရဲ့ ရာဂစိတ် သောင်းကျန်းနေတာကို ရာဂစိတ်လို့ မထင်အောင် မေတ္တာလို့ လိမ်တတ်တယ်။
ဆိုတော့ မေတ္တာအတုနဲ့ အစစ်ကို မခွဲခြားတတ်သူတွေအနေနဲ့ တစ်ဖက်က သူရဲ့ရာဂစိတ်ကို ဖုံးကွယ်ပြီး လိုအပ်သမျှ ပံ့ပိုးပေးနေတာကို လက်ခံယူသူ ဘက်ကလည်း ငါ့အပေါ်မှာ စေတနာထားတယ်ဆိုပြီး
မေတ္တာဟန်ဆောင်ထားတဲ့ ရာဂစိတ် ကို မေတ္တာစိတ်အဖြစ် လက်ခံလိုက်တယ်။
အဲဒီနောက်မှာတော့ နစ်နာဆုံးရှုံး ယူကျုံးမရတဲ့ ဇာတ်လမ်းတွဲတွေ ဖြစ်ကုန်တော့တာပဲ။
အမှန်က ရာဂစိတ်နဲ့ မေတ္တာစိတ်က ဆန့်ကျင်ဘက်။
ရာဂဆိုတာ ပူလောင်ပြင်းထန်တယ်။ ရာဂမီးလို့ သုံးနှုန်းကြတာတွေရှိတယ်။
ရာဂနဲ့တူတဲ့ မီးဆိုတာ နှိုင်းစရာကို မရှိဘူးတဲ့။
ရာဂဆိုတာ ယုတ်မာတယ်။ ညစ်ညမ်းတယ်။ တစ်ကိုယ်ကောင်းဆန်တယ်။
မေတ္တာဆိုတာ အေးချမ်းတယ်။ စင်ကြယ်တယ်။ သန့်ရှင်းတယ်။ သူတစ်ပါးအကျိုးကို လိုလားတယ်။
သူတစ်ပါးက မိမိအပေါ် ကောင်းကောင်း မကောင်းကောင်း မိမိဘက်က သူတစ်ပါးကောင်းဖို့ လိုလိုလားလား ကူညီတယ်။
သူတစ်ပါးက မိမိအပေါ် ရန်သူလိုသဘောထားလည်း မိမိဘက်က မေတ္တာစိတ်နဲ့ တုံ့ပြန်တယ်။
မေတ္တာထားနိုင်တဲ့ သူရဲ့စိတ်အစစ်က မိမိအပေါ် မကောင်းတဲ့ စိတ်ထားရင် ထားသူရဲ့ကိစ္စ။ မိမိနဲ့မဆိုင်ဘူး။
မိမိကိုယ်တောင် မိမိမပိုင်ဘူးဆိုတာ သိနေတော့ သူများကိုပေးဖို့ပဲ စဉ်းစားနေတော့တယ်။
သတ္တ၀ါအားလုံးအပေါ်မှာ မေတ္တာထားတယ်။ ခွင့်လွှတ်တယ်။
မိမိရင်သွေးကို နို့ချိုတိုက်ကျွေးနေတဲ့အချိန်မှာ အဲဒီရင်သွေးအပေါ်မှာ ဖြစ်နေတဲ့ မိခင်စိတ်မျိုးနဲ့ သတ္တ၀ါ အားလုံးကို မေတ္တာထားတယ်။
မေတ္တာထားတဲ့နေရာမှာလည်း မိမိဘက်က ပေးဖို့ပဲစဉ်းစားတယ်။
တစ်ဖက်က တုံ့ပြန်မှုကို လုံးဝ မမျှော်လင့်ဘူး။
ဒီမေတ္တာစိတ်အစစ်ရဲ့ အဓိပ္ပာယ်က အလွန်တန်ဖိုးကြီးတယ်၊ အလွန်မြင့်မြတ်တယ်၊ သန့်ရှင်းတယ်၊ စင်ကြယ်တယ်၊
လေးနက်ကျယ်ပြန့် ကြီးကျယ်လွန်းတယ်။
မေတ္တာဆိုတာရေပဲ။ ဒုက္ခမီးတွေလောင်နေတာကို ငြိမ်းချမ်းရင် မေတ္တာရေဖြန်းလိုက်ရုံပဲ။
ပူးပြင်းစွာ တောက်လောင်နေတဲ့ မီးလျှံတွေ ဘယ်လောက်ပဲကြီးကြီး ရေဖြန်းနိုင်ရင် မီးငြိမ်းသွားတာ အထင်ရှားဆုံး သက်သေ ဥပမာပဲ။
ဆိုတော့..
သူတစ်ပါးအကျိုးကို လိုလားတဲ့ မေတ္တာတရားတွေ ပေးချင်ရင် အဲဒီမေတ္တာစိတ်တွေ မိမိမှာ ရှိအောင် အရင် စုဆောင်းပါ၊ တည်ဆောက်ပါ။
မေတ္တာဆိုတာ သူတစ်ပါးကို မိမိမေတ္တာနဲ့ ခံစားစေတာပဲ။