(၄) ဘာသာသာသနာရဲ့ ဂုဏ်သိက္ခာ၊ လူ့အသိုင်းအ၀ိုင်းရဲ့ ဂုဏ်သိက္ခာ၊ မိဘမျိုးရိုး ဂုဏ်သိက္ခာ၊ သားသမီး အသိုင်းအ၀ိုင်း ဂုဏ်သိက္ခာ ထိခိုက်မှာကို ငဲ့ညှာထောက်ရှုပြီး မကောင်းမှု အကုသိုလ် ဒုစရိုက် မှန်သမျှကို ပြုလုပ်ရမှာ ကြောက်နေတဲ့ သြတ္တပ္ပ စေတသိက်အစစ်
ကြောက်စိတ်အတုက မိဘဆရာ လူကြီးသူမတွေရှေ့မှာ ပြောသင့်တဲ့စကားကို မပြောရဲဘဲ ကြောက်နေတာမျိုး၊
လုပ်သင့်တဲ့အလုပ်ကို မလုပ်ဘဲ၊ လုပ်ရမှာ ကြောက်နေတာမျိုး၊
ဟိုလည်း မသွားရဲ၊ ဒီလည်း မသွားရဲဘဲ ကြောက်နေတာမျိုး၊
မကြောက်သင့်တဲ့ အရာကို ခိုင်လုံတဲ့အကြောင်းပြချက် မရှိဘဲ ကြောက်နေတာမျိုးတွေဟာ သြတ္တပ္ပ အတု။
(မှတ်ချက် - မရှက်မကြောက်ဘဲ လူမိုက်ဆန်ဆန် အပြုအမူ လှုပ်ရှားပြောဆိုမှု သဘောမျိုးတွေက သြတ္တပ္ပ စာရင်းထဲမှာ မပါဘူး။
မိဘဆရာ၊ လူကြီးသူမတွေရှေ့မှာ မရိုမသေ၊ မလေးမစား အမူအရာတွေနဲ့ ဆင်ခြင်တုံတရား မရှိဘဲ ပြုလုပ်နေတဲ့ မရှက်မကြောက်ခြင်း သဘောမျိုးတွေက သြတ္တပ္ပ စာရင်းထဲမှာ မပါဘူး။
ဒီမရှက်မကြောက် ပြုလုပ်နေခြင်းဟာ ယဉ်ကျေးမှုသဘောကို မပေါက်တဲ့ ရိုင်းစိုင်းခြင်း စာရင်းအုပ်စုထဲ ရောက်သွားတဲ့ စိတ်တွေပဲ။)
(၅) စိတ်ကို သိက္ခာရှိအောင်၊ သန့်ရှင်းအောင် ကူညီတဲ့ စေတသိက် နောက်တစ်ခုက လိုချင်တဲ့သဘောတွေ မပါတဲ့ အလောဘ စေတသိက်
ဒီစေတသိက်ရဲ့ အဓိပ္ပာယ်က မလိုချင်တဲ့သဘော၊ တပ်မက်ခြင်းမရှိတဲ့သဘော၊
မိမိပစ္စည်းကို စွန့်လွှတ်ပြီး လှူဒါန်းပေးကမ်းတဲ့သဘော၊ လိုချင်စိတ် လွန်ကဲနေတဲ့သဘောနဲ့ လုံးဝဆန့်ကျင်ဘက် ဖြစ်တယ်။ လိုချင်စရာတွေကို လိုချင်နေတာဟာ ဒုက္ခဖြစ်စေတဲ့ တရားခံအဖြစ် နားလည်သဘောပေါက်ပြီး မလိုချင်တဲ့စိတ် ဖြစ်စေတဲ့ ကျင့်စဉ်တွေ အကူအညီနဲ့ စိတ်ကို ပြုပြင်နေတဲ့ စိတ်စေတသိက်ပဲ။
လောဘကြီးတဲ့သူနဲ့ လောဘမရှိတဲ့ သူရဲ့ ငြိမ်းအေးတည်ကြည်မှုကို ယှဉ်ကြည့်ရင် လောဘကြီးတဲ့သူက လိုချင်တဲ့ ပစ္စည်းရဖို့ ဘယ်သူ့မျက်နှာမှ ငဲ့မကြည့်ဘူး။ ရအောင်ယူဖို့ နည်းမျိုးစုံကို သုံးတယ်။ ရအောင်ယူဖို့နေရာမှာ ဘယ်သူ့ကိုမဆို ဖားဖို့၊ မျက်နှာချိုသွေးဖို့၊ အောက်ကျို့ဖို့ ၀န်မလေးဘူး၊ မရှက်ဖူး၊ လောဘနဲ့ မဆင်မခြင်ယူတဲ့နေရာမှာလည်း၊
တရားတာတွေ၊ မတရားတာတွေ ထည့်မတွက်တော့ဘူး။
ရရင်လည်း မကျေနပ်နိုင်ဘဲ နောက်ထပ်ယူဖို့ ဉာဏ်နီဉာဏ်နက်သုံးတယ်။
ရသမျှ အကုန်လုံးကိုလည်း ငါ့ဟာဆိုပြီး စွဲလမ်းတယ်။
လောဘမရှိတဲ့ အလောဘ စေတသိက်ရဲ့ သဘောက
ရသမျှဟာ ငါအပိုင်ယူခွင့်မရှိဘူး။ ငါနဲ့မဆိုင်ဘူးဆိုတဲ့ သဘာဝတရားကို သိအောင်သိကျင့်ထားလို့
ကာမဂုဏ်အာရုံတွေအပေါ်မှာ တွယ်တာငြိကပ်၊ တပ်မက် ခင်မင်ခြင်းတွေ မရှိဘူး။
ကိုယ်သိကျင့်ထားတဲ့ အသိဉာဏ်အပေါ်မှာတောင် ငြိတွယ်သာယာမှု မရှိအောင် အထူးသတိထားပြီး အလောဘ စေတသိက်ကို တည်ဆောက်နေတယ်။