မာတိကာ / ဆ


ဆ အက္ခရာစဉ်ထဲမှာ ပါဝင်နေတဲ့ ဆလိမ် အက္ခရာခေါင်းစဉ်နဲ့ နာမည်များ

ဆင်းရဲသောစိတ်
- စိတ်အဆင့်အတန်း နိမ့်ကျနေတာ။ တွေးသင့်တွေးထိုက်တာကို အဆင့်မီအောင် မသိနိုင်တဲ့ စိတ်အသိဉာဏ် ဆင်းရဲတာ။ စိတ်အသိဉာဏ် ဆင်းရဲလို့ စိတ်ကို သက်သာအောင် မလုပ်နိုင်ဘူး။ အသိဉာဏ် ဆင်းရဲတာဟာ စိတ် စေတသိက်သဘောတွေကို လေ့လာ ရှာဖွေမှု ဆင်းရဲတာပဲ။ လေ့လာရှာဖွေမှု ဆင်းရဲရင် စိတ်နဲ့ပတ်သက်တဲ့ ဗဟုသုတ အတွေ့အကြုံ ဆင်းရဲနေမှာပဲ။ စိတ် စေတသိက်နဲ့ ပတ်သက်တဲ့ သဘာဝကို သဘောပေါက်နေရင် လူဆင်းရဲပေမယ့် စိတ်မဆင်းရဲအောင် ဖန်တီး တည်ဆောက်နိုင်တယ်။
ဆောင့်ကြီးအောင့်ကြီးစိတ်
- ပင်ကို အကျင့်စရိုက် ညံ့ဖျင်းတဲ့သူတွေ အကျင့်ပါနေတဲ့ စိတ်အမျိုးအစား။ ချမ်းသာတာ၊ ဆင်းရဲတာ၊ ပညာတတ်တာ၊ မတတ်တာနဲ့ မသက်ဆိုင်ဘဲ ဒီစိတ်မျိုးကြောင့် ဖြစ်ပေါ်လာတဲ့ အပြုအမူမျိုးကို မလုပ်သင့်ဘူးဆိုတာ သတိထားသင့်တဲ့စိတ်။
ဆောင့်ကြွားကြွားစိတ်
- အထည်ကြီးပျက်လို့ ဝေဖန်စွပ်စွဲခံရသူတွေ အစွဲမပြုတ်သေးတဲ့ စိတ်အနေအထား။ မပြည့်တဲ့အိုး ဘောင်ဘင်ခတ် ဆိုတဲ့သူတွေ ဘ၀မြင့်တဲ့ စိတ်အနေအထား။ ပထမစာကြောင်းက အထည်ကြီးမပျက်ခင် ချမ်းသာခဲ့စဉ်က အနေအထားကို အစွဲအလမ်းဖြစ်ပြီး မပြုပြင်ဘဲ ထားထားလို့ အကျင့်ပါနေတဲ့ စိတ်အဆင့်။ ဒုတိယစာကြောင်းက ပညာရပ်တစ်ခုကို ကျွမ်းကျင်အဆင့်မရောက်ခင် သင်ကြားနေဆဲ ကာလမှာ ဘ၀မြင့်ပြီး ကြွားချင်စိတ် လွန်ကဲနေတဲ့ စိတ်အဆင့်။
ဆည်းပူးသောစိတ်
- မိမိစိတ်ဝင်စားတဲ့ ပညာတစ်ခုခုကို သင်ကြားနေတဲ့အချိန်မှာ နားထောင်ရုံသက်သက် မဟုတ်ဘဲ မသိတာကို ရှင်းလင်းစွာ သိတဲ့ အထိ မေးတယ်။ မေးနိုင်သလောက်၊ မေးတတ်သလောက်၊ ပညာရမယ်လို့ ယုံကြည်ပြီး မေးတယ်။ မေးလို့ သိခဲ့သမျှကိုလည်း သိတဲ့အဆင့်မှာ ရပ်မထားဘဲ ကိုယ်တိုင် လက်တွေ့သိတဲ့အဆင့် ရောက်အောင် အကောင်အထည်ဖော်တယ်။ ဒီလို ရည်ရွယ်ချက်မျိုးနဲ့ မိမိသိချင်တဲ့ ပညာကို သင်ယူနေတဲ့စိတ်။
ဆတ်ကော့လတ်ကော့စိတ်
- ပြုပြင်ထိန်းသိမ်းပေးမယ့်သူမရှိရင် ဘ၀ပျက်သွားနိုင်တဲ့အထိ အန္တရာယ်ရှိတဲ့ စိတ်အနေအထား။ ဒီခေါင်းစဉ်က မိန်းကလေးတွေကို စွပ်စွဲတဲ့ စိတ်နာမည်။ (ယောက်ျားလေးတွေကျတော့ ဆတ်ကော့လတ်ကော့လို့ မပြောဘဲ ထောင့်မကျိုးဘူး။ ဆောင့်ကြွားကြွားနဲ့ ကြွစောင်းစောင်းနဲ့ စသဖြင့် စွပ်စွဲကြတယ်။)
ဆတ်ဆတ်ကြဲစိတ်
- အထိမခံ ရွှေပန်းကန်လို့လည်း မြန်မာစကားမှာ ရှိနေတဲ့ စိတ်အမျိုးအစား။ မိမိဘက်က မှန်တယ်လို့ လက်ခံထားတဲ့သူတွေဟာ ဘယ်သူက ဘယ်လိုပဲခြိမ်းခြောက် ခြိမ်းခြောက် လုံးဝ မကြောက်ဘဲ ရင်ဆိုင်ရဲတဲ့ စိတ်အနေအထား။
ဆတ်ဆတ်ခါနာကျင်စိတ်
- မိမိရိုသေလေးစား ယုံကြည်တန်ဖိုးထားထားတဲ့သူက ဖြစ်စေ၊ မိမိရဲ့ ပြိုင်ဘက်က ဖြစ်စေ၊ အထောက်အထား ခိုင်လုံ သေချာမှု မရှိဘဲ မိမိကို အမှားကျူးလွန်တယ်လို့ ပြင်းပြင်းထန်ထန် စွပ်စွဲပြောဆို ဆက်ဆံခံလိုက်ရတဲ့အခါမှာ ဖြစ်ပေါ်လာတဲ့ စိတ်အမျိုးအစား။ (ဒီလိုစိတ် အခြေခံမျိုးရှိတဲ့သူတွေ သတိထားသင့်တာက နာကျင်စွာ ခံလိုက်ရတဲ့ စိတ်ခံစားမှုကနေ အငြိုးအတေးထားတဲ့ စိတ်အဆင့် မရောက်ဖို့ သတိထားရမယ်။)
ဆတ်ဆတ်တုန်စိတ်
- အကြောက်လွန်နေတဲ့အခါမျိုး၊ စိတ်ထဲမှာ ဖြစ်ပေါ်နေတဲ့ ဒေါသကို ထုတ်ဖော်ခွင့်မရတဲ့အခါမျိုးမှာ ဖြစ်နေတဲ့ စိတ်အနေအထား။
ဆတ်တငံ့ငံ့စိတ်
- လိုချင်တာ အကုန်လုံးရတော့မလိုလိုနဲ့ ရုတ်တရက် ပြတ်တောက်သွားတဲ့အခါမျိုး၊ ခံစားနေရတာကို ကျေနပ်နေတုန်း ရုတ်တရက် ပြတ်တောက်သွားတဲ့ အခါမျိုးတွေမှာ ဖြစ်သွားတဲ့ စိတ်ပုံစံ။
ဆတ်ဆတ်ထိမခံစိတ်
- ခေါင်းစဉ်ထဲမှာ စိတ်အဓိပ္ပာယ် ပါဝင်နေပါတယ်။
ဆိတ်သုဉ်းစိတ်
- “ ပျော်ရာမှာမနေနဲ့ တော်ရာမှာနေ၊ တစ်ရွာမပြောင်း သူကောင်းမဖြစ်၊ ကံစီမံရာ ” ဆိုတဲ့ ဆိုရိုးစကားတွေကြောင့် မူလက ဘယ်လောက်ပဲ ၀ါသနာ ပါခဲ့ ပါခဲ့၊ ဘယ်လိုရည်မှန်းချက်တွေပဲ ထားခဲ့ ထားခဲ့၊ ဘ၀နဲ့ယှဉ်ပြီး ချိန်ထိုးရတဲ့ အခြေအနေမျိုးမှာ ဖြစ်သင့်တာကို မလွှဲမရှောင် ဖြစ်ပေးလိုက်ရတာတွေ ရှိတယ်။ အဲဒီစွန့်လွှတ်ခဲ့ရတာတွေကလည်း အချိန်ကြာလာတာနဲ့အမျှ လုံးဝ သတိမရတော့အောင် ပျောက်ကွယ်သွားတဲ့အထိ ဖြစ်တဲ့စိတ်။