ပလဲနံပသင့်စိတ်
- မိမိနဲ့အပေးအယူမျှတဲ့သူ၊ မိမိနဲ့သဘောချင်းတူတဲ့သူ၊ မိမိနဲ့အဆင်ပြေတဲ့သူကို ဦးစားပေး၊ အခွင့်အရေးပေးတတ်တာ လူ့သဘာဝ ဖြစ်နေလို့ သာမန်လူတွေထက် သာချင်တဲ့ လူတစ်ချို့က လူတွေကြားထဲမှာ ပလဲနံပသင့်တဲ့စိတ်ကို အသုံးချပညာရပ် တစ်ခုအနေနဲ့ တတ်အောင် သင်ထားတာမျိုး ရှိတယ်။
ပါချည်ပါချဲ့စိတ်
- အရေးမပါတဲ့အဆင့်၊ မထင်မရှားအဆင့်၊ ပါးမွှားအဆင့်သာ အဓိပ္ပာယ်ရှိနေလို့ စိတ်စည်းဝိုင်းအပြင်မှာ ရောက်နေရရှာတဲ့ ခပ်ညံ့ညံ့စိတ်။
ပါစားပေးစိတ်
- စိတ်အရည်အချင်း အားနည်းသူတွေထဲမှာ မိမိရဲ့ စိတ်စွမ်းရည် ထက်မြက်အားကောင်းနေရင် မိမိရဲ့ စိတ်အရည်အချင်းကြောင့် သူများထက်သာတဲ့ ဦးစားပေးခြင်း အခွင့်အရေးကို ရမှာသေချာနေတယ်။
ပါစင်အောင်လွဲသောစိတ်
- အရာရာဟာ တည်တံ့နေမယ်၊ ခိုင်မြဲနေမယ်၊ အမြဲရှိနေမယ်လို့ ယုံကြည်ယူဆထားတာဟာ မဟာအလွဲပဲ။ ခန္ဓာကိုယ်ထဲက အင်္ဂါအစိတ်အပိုင်းတွေ သဘာဝအရ သူ့အလုပ်သူ လုပ်နေကြတာကို ငါဆိုတဲ့ခေါင်းစဉ်တပ်ပြီး ငါလုပ်တာလို့ မှတ်သား စွဲလမ်းနေတာ မဟာအမှားပဲ။ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်၊ ပစ္စည်းခြောက်ခုက သဘာဝအရ သူ့အလုပ်သူ လုပ်နေတာကို ငါမြင်တာ၊ ငါကြားတာ၊ ငါ ငါ ငါ ငါနဲ့ စွဲလမ်းနေတာ လုံးဝပါစင်အောင် လွဲနေတာပဲ။ အာရုံခြောက်ပါးကြောင့် အာရုံနဲ့စိတ် ဖဿထိတွေ့မှုဖြစ်၊ ဖဿကတစ်ဆင့် ခံစားမှုဖြစ်၊ ခံစားမှုအရှိန်တက်ပြီး လိုချင်လာတဲ့ စိတ်အဆင့်ဆင့်တွေ ပြောင်းရွှေ့ကုန်တာဟာ သတိမရှိလို့ပါ။ သတိမရှိလို့ဆိုတဲ့ အဓိကအချက်ကို သဘောမပေါက်ဘဲ ငါ ငါ ငါ ငါဆိုပြီး ငါခံစားတာ၊ ငါလိုချင်တာလို့ ငါခေါင်းစဉ်တပ်ပြီး ဆက်တိုက်ပါစင်အောင်လွဲနေတဲ့ စိတ်အမှတ်မှား။
ပါရမီကောင်းသောစိတ်
- ကံ ကံရဲ့အကျိုးတဲ့။ မိမိပြုလုပ်ခဲ့တဲ့ ကောင်းသောအကြောင်းရဲ့ ဖြည့်ဆည်းမှုတွေက ကောင်းသောအကျိုးကို ပြည့်စုံစေတဲ့ စိတ်လက္ခဏာ။
ပါဝါပြစိတ်
- သူများထက်ပိုပြီး ရထားတဲ့ အခွင့်အရေး အရှိန်အ၀ါကို ထုတ်ပြတဲ့ အကြိမ်အရေအတွက်များလာရင် အဲဒီ ပါဝါပြတဲ့စိတ်ကြီးက လူချစ်လူခင် နည်းစေတယ်။ အရိုအသေတန်စေတယ်။ ဒီထက်ပိုပြီး ပါဝါပြတာ လွန်ကဲသွားရင်တော့ အသက်အန္တရာယ်ပါ စိုးရိမ်ရနိုင်တယ်။
ပါးစပ်ဆော့စိတ်
- လက်ဆော့တဲ့ စိတ်အကျင့်ရှိသူဟာ မသင်္ကာတဲ့မျက်လုံးနဲ့ အကြည့်ခံရတဲ့အောက်မှာပဲ နေနေရလို့ လူ့အသိုင်းအ၀ိုင်းထဲမှာ လွတ်လပ်စွာ နေထိုင်ခွင့်ကို ဆုံးရှုံးစေပါတယ်။ ကြီးကျယ်တဲ့လုပ်ငန်းတစ်ခုကို လျှို့ဝှက်ဆောင်ရွက်ဖို့ တိုးတိုးတိတ်တိတ် တိုင်ပင်တဲ့နေရာမှာ ပါးစပ်ဆော့တဲ့သူကို စည်းဝေးခန်းထဲ ၀င်ခွင့်မပြုတဲ့ ဆုံးရှုံးမှုကို ရစေတဲ့ စိတ်အဆင့်။
ပါးနပ်သောစိတ်
- လုပ်ငန်းအတွေ့အကြုံကို အချိန်တိုအတွင်းမှာ ယူတတ်တဲ့ ပါးရည်နပ်ရည်ရှိသူတွေ၊ တစ်ထွာပြရင် တစ်လံလောက် မြင်သွားတဲ့ ပါးလှပ်သူတွေ၊ လူ့အရိပ်အကဲနဲ့ အခြေအနေအရိပ်အကဲကို ပါးပါးနပ်နပ် စာဖတ်တတ်တဲ့သူတွေဟာ လုပ်ငန်းရှင်တွေကြိုက်တဲ့ စိတ်အရည်အချင်းပဲ။
ပိပြားသောစိတ်
- အုပ်ချုပ်သူခေါင်းဆောင်ရဲ့ အုပ်ချုပ်နိုင်မှု၊ အမိန့်အာဏာ စွမ်းအားအရှိန် ပြင်းထန်မှုဟာ လက်အောက်ငယ်သားတွေကို ကြောက်ရွံ့ထိတ်လန့် ငြိမ်ဝပ်ပိပြားနေတဲ့စိတ်ကို ဖြစ်ပေါ်စေပါတယ်။
ပိရိသေသပ်စိတ်
- အလုပ်တစ်ခုကို သပ်သပ်ရပ်ရပ်နဲ့ စနစ်တကျ အစသိမ်းလုပ်ဆောင်သူတွေရဲ့ ပိရိသေသပ်မှုကြောင့် နောက်ပြန် လှည့်ကြည့်စရာ မလိုအောင် ပီပြင်နေတဲ့ ပိရိသေသပ်စိတ်။