- ပကတိရိုးသားစိတ်
- - အပြစ်ပြောစရာမရှိလောက်အောင် လုံးဝရိုးသား ဖြောင့်မတ်တဲ့ စိတ်အမျိုးအစား။
- ပကာသနမက်စိတ်
- - ပစ္စည်းဥစ္စာ၊ ငွေ၊ ဂုဏ်စတာတွေကို သိသာထင်ရှားစွာ လိုချင်မက်မောတဲ့ စိတ်အမျိုးအစား။
- ပခုံးချင်းယှဉ်စိတ်
- - သူလုပ်သလောက်တော့ မိမိလည်း လုပ်နိုင်တယ်။ သူသိသလောက်တော့ မိမိလည်းသိတယ်ဆိုပြီး မိမိယှဉ်ပြိုင်ချင်တဲ့သူကို စိတ်ထဲက ကြိတ်ပြီး နှိုင်းယှဉ်ကြည့်နေတဲ့ စိတ်အနေအထား။
- ပစိပစပ်များသောစိတ်
- - ပြောပလောက်အောင် အရေးမကြီးတဲ့ အကြောင်းအရာ အသေးအဖွဲ့ကအစ ကြံဖန်စပ်စု အငြင်းသန်တဲ့ စိတ်အနေအထား။
- ပညာပေးသောစိတ်
- - မိမိသိသလို၊ တတ်သလို၊ သူတစ်ပါးကိုလည်း သိစေချင်၊ တတ်စေချင်တဲ့ အသိနဲ့ပညာကို ပေးဝေတဲ့စိတ်။
- ပညာပြသောစိတ်
- - ပညာသင်တဲ့သူကို မိမိသိသလို၊ မိမိတတ်သလို၊ အကုန်သင်မပေးဘဲ ဆရားစားချန်ထားတယ်။ သိတဲ့၊ တတ်တဲ့ပညာကို လျှိုထားတယ်။ ဒါမှလည်း တပည့်ဖြစ်သူက မိမိကို တစ်ချိန်လုံး အားကိုးနေမယ်လို့ ကြံစည် စီစဉ်ထားတဲ့ စိတ်အညံ့စား။ ဆရာလို့ မခေါ်ထိုက်တဲ့ ဆရာအမည်ခံထားသူရဲ့ ပညာပြတဲ့စိတ်ပဲ။
- ပညာမဲ့သောစိတ်
- - ပညာပိုင်းဆိုင်ရာတွေနဲ့ ပတ်သက်ပြီး အသိပညာလည်း မရှိဘူး။ အတတ်ပညာလည်း မရှိဘူး။ ဘာပညာမှ မရှိတဲ့စိတ်။
- ပညာရှင်စိတ်
- - နိုင်ငံရေး၊ စီးပွားရေး၊ ဘာသာရေး၊ ကျန်းမာရေး၊ ပညာရေးစတဲ့ အသိပညာ၊ အတတ်ပညာပိုင်းဆိုင်ရာ ပညာရပ်တွေကို ကျွမ်းကျင်အဆင့်တစ် တတ်မြောက်တဲ့ ပညာရှိသူတွေ၊ ပညာတတ်သူတွေ၊ ပညာရှင်တွေရဲ့ စိတ်အရည်အချင်း။
- ပဋိပက္ခစိတ်
- - မသိတဲ့စိတ်နဲ့ သိသလိုလို ဖြစ်နေတဲ့စိတ်နှစ်ခု စိတ်ချင်း စိတ်ချင်း အားပြိုင်နေတဲ့ သဘောပဲ။ သိသလိုလိုဖြစ်နေတဲ့ စိတ်ကို တကယ်သိတဲ့ စိတ်အဆင့်ရောက်အောင် ထူထောင်နိုင်ရင်တော့ မသိလို့လုပ်ချင်နေတဲ့ စိတ်အလိုဆန္ဒကို တကယ်သိနေတဲ့ စိတ်က ဖြစ်ခွင့်ပြုမှာ မဟုတ်ဘူး။ (မသိတဲ့စိတ်မှာ သတိလွတ်နေတယ်။ တကယ်သိတဲ့စိတ်မှာ သတိကပ်နေတယ်။)
- ပဋိသန္ဓေရကျွမ်းကျင်စိတ်
- - ဘယ်လိုနေရာမျိုးမှာ ဘယ်လိုလူမျိုးကို ဘယ်လိုပုံစံနဲ့ပဲတွေ့တွေ့ တွေ့တဲ့သူကို ဘယ်လိုယဉ်ကျေးခင်မင်စွာ ဆက်ဆံပြောဆို ရမယ်ဆိုတဲ့ အတတ်ပညာတွေကို ကျွမ်းကျွမ်းကျင်ကျင် တတ်မြောက်ထားတဲ့ စိတ်ပညာ။
- ပထမစိတ်
- - ဖဿစေတသိက်ရဲ့ အာရုံနဲ့စိတ်နဲ့ စိတ်ချင်းထိတွေ့မှုက စတာပဲ။ ဖဿကြောင့် ပထမအဆင့် စိတ်တွေ ဖြစ်ပေါ်လာရ တယ်။ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်ဆိုတဲ့ ပစ္စည်းခြောက်ခုရဲ့ အာရုံခြောက်ပါးဟာ ပထမစိတ်တွေ ဖြစ်ပေါ်လာစေတဲ့ အကြောင်းတွေပဲ။ ပစ္စည်းခြောက်ခုဟာလည်း ရုပ်နဲ့နာမ်ရှိနေလို့ပဲ။ ရုပ်နဲ့နာမ်ဖြစ်ရခြင်းအကြောင်းနောက်ကို ဆက်လိုက်ရင် မသိလို့ ပြုလုပ်မိတဲ့အကြောင်းတွေကြောင့် ရုပ်တွေနာမ်တွေ စိတ်တွေ ဖြစ်ခွင့်ရလာစေတော့တာပဲ။ မသိလို့ဆိုတဲ့ အ၀ိဇ္ဖာက ပထမဆုံးစိတ် ဖြစ်နေတယ်။
- ပဓာနကျသောစိတ်
- - မိမိခန္ဓာကိုယ်အကြောင်းကို တိတိကျကျသိဖို့လိုတယ်။ စိတ်နဲ့စေတသိက်အကြောင်းတွေကို အတိအကျသိဖို့ အဓိကကျတယ်။ ရုပ်နဲ့စိတ်တွေရဲ့သဘာဝ အမှန်သဘောတရားတွေကို အမှန်အတိုင်းသိဖို့ အရေးကြီးဆုံးပဲဆိုတာ သိပေးရမယ့် စိတ်အရည်အချင်း။