- ညွတ်ကျိုးသောစိတ်
- - ပြင်းထန်ရိုင်းစိုင်းတဲ့ အပြုအမူတွေမပါဘဲ ညွတ်ပျောင်းစွာ ရိုသေခြင်း၊ ဦးစားပေးခြင်း၊ လေးစားခြင်း၊ ညွတ်တွားစွာ နေရာပေးခြင်း၊ အလေးထားခြင်း၊ ယဉ်ကျေးခြင်းများနဲ့ ပြည့်စုံတဲ့ စိတ်အနေအထား။
- ညှာတာသောစိတ်
- - လူသားအချင်းချင်း စာနာထောက်ထားတတ်တဲ့စိတ်၊ ကူညီချင်တဲ့စိတ်၊ တန်းတူညီတူ ဆက်ဆံတတ်တဲ့စိတ်။
- ညှိနှိုင်းသောစိတ်
- - ငါမှန်တယ်လို့ ဘယ်တော့မှ မယူဆတဲ့သူတွေဟာ တစ်ဖက်လူလည်း မှန်နိုင်တယ်လို့ လက်ခံပေးတယ်။ လူဆိုတာ သူ့အတိုင်း အတာနဲ့သူ တော်တာ၊ တတ်တာ၊ ကျွမ်းကျင်တာတွေ ရှိနေတယ်ဆိုတာကို နားလည်သဘောပေါက်ပေးတယ်။ ဘာပဲလုပ်လုပ် အားလုံးနဲ့ တိုင်ပင်တယ်။ ရသမျှထဲက အကောင်းဆုံး အသင့်လျော်ဆုံး အဖြေတစ်ခု ထွက်အောင် ညှိယူတဲ့ စိတ်အနေအထား။
- ညှီဟောက်နေသောစိတ်
- - ဘာသာရေး ကိုင်းရှိုင်းတယ်ပြောပြီး အမှိုက်ပုံထဲက ညှီပုပ်နေတဲ့ တဏှာရာဂ အညစ်အကြေးနံ့တွေ ထွက်နေတဲ့ စိတ်အမျိုးအစား။
- ညှို့အားပြင်းသောစိတ်
- - အာရုံခြောက်ပါးနဲ့ ပတ်သက်ပြီး ဖြစ်ပေါ်လာတဲ့ စိတ်တိုင်းမှာ ခံစားမှုတွေ ပါလာတာချည်းပဲ။ စိတ်ချင်း ထိတွေ့တဲ့နေရာမှာ ထိ ချက်ပြင်းတယ်ဆိုရင် အဲဒီထိချက်အပေါ်မှာ ငြိပြီး ခံစားစိတ်၊ လိုချင်တပ်မက်စိတ်၊ စွဲလမ်းစိတ်တွေ အဆင့်ဆင့်ဖြစ်ကုန်တယ်။ စွဲလမ်းမှုအရှိန် အတက်ဆုံးကို ရောက်သွားရင်တော့ စိတ်ရဲ့ညှို့ယူဖမ်းစားတဲ့ ထောင်ချောက်ထဲက ရုန်းထွက်လို့ရမှာ မဟုတ်တော့ဘူး။ ဒါဟာ စွဲလမ်းစိတ် အဆင့်အမြင့်ဆုံးနေရာကို ရောက်ရှိသွားတဲ့ စိတ်အရည်အချင်းတစ်ခုပဲ။
- ညှိုးငယ်သောစိတ်
- - ဘ၀မှာ အခက်အခဲတွေ၊ အနှောင့်အယှက်တွေနဲ့ ဆက်တိုက်တွေ့ပြီး တွေ့တိုင်းလည်း ရှုံးနိမ့်ခဲ့ရတာချည်းပဲဆိုတော့ စိတ် ကျန်းမာရေး ထိခိုက်ညှိုးနွမ်းလာတဲ့ စိတ်လက္ခဏာ။
- ညှဉ်းဆဲအနိုင်ကျင့်စိတ်
- - သူတစ်ပါး ဆင်းရဲဒုက္ခရောက်အောင် ကြံစည်တဲ့အဆင့်ကနေ အကောင်အထည်ဖော်တဲ့အခါမှာ ဒေါသစိတ်ထည့်ပြီး ညှဉ်းဆဲ အနိုင်ကျင့်တတ်တဲ့၊ ရက်စက်တဲ့ စိတ်တွေပါဝင်တဲ့ ဒေါသမျိုးနွယ်စုဝင် စိတ်အမျိုးအစား။
- ညှဉ်းဆိုးဆိုးစိတ်
- - မတောက်ပခြင်း၊ မသစ်လွင်ခြင်း၊ မသန့်ရှင်းခြင်း၊ မချောမွေ့ခြင်း၊ မခန့်ညားခြင်း၊ မသွက်လက်ခြင်း၊ မထက်မြက်ခြင်း၊ မပေါ့ပါးခြင်း၊ မလတ်ဆတ်ခြင်း၊ မလန်းဆန်းခြင်းစတဲ့ အားတက် ကျေနပ်စရာတစ်ခုမှ မပါဝင်တဲ့ စိတ်အညံ့စား။
- ညှပ်ပူးညှပ်ပိတ်စိတ်
- - ၀င်လာသမျှ စိတ်အကုန်လုံးကို လက်ခံပြီး ခံစားမိနေလို့ ဖြစ်ရတဲ့စိတ်အနေအထား။ ခံစားမှုတစ်ခု မပြီးဆုံးခင် နောက်ထပ် ခံစားမှုတစ်ခု ၀င်လာ၊ ၀င်လာတဲ့နောက်တစ်ခုကို ခံစားရင်း ရှေ့က အဖြေမထွက်သေးတဲ့ ခံစားမှုက ပြန်လှည့်ပြီး ၀င်လာ၊ စိတ် ခံစားမှုအရှိန်တွေ မကုန်ခင် နောက်ထပ် နောက်ထပ် ဆင့်ပွား စိတ်ခံစားမှုအသစ်တွေ တစ်ခုပြီးတစ်ခု ၀င်လာပြီး သူတို့ရဲ့ စိတ် အစွမ်းပြမှုကို မိမိအသိ သတိဉာဏ် အားနည်းမှုက မခံနိုင်ဘဲ ညပ်သွားတဲ့စိတ်။
- ညွှတ်ကွင်းထဲရောက်သွားသောစိတ်
- - ဒီနေ့ခေတ်ရဲ့ လူကုန်ကူးတယ်ဆိုတဲ့လုပ်ငန်းမှာ ဒီစိတ်ခေါင်းစဉ်နဲ့အညီ လှုပ်ရှားနေကြတာပဲ။ ထောင်ချောက်ဆင်တဲ့သူနဲ့ ထောင်ချောက်မှန်း မသိဘဲ ၀င်တဲ့သူ၊ ထောင်ချောက်မှန်း သိလျက်နဲ့ အကြောင်းအမျိုးမျိုးကြောင့် ၀င်လိုက်တဲ့သူတွေ၊ စိတ်ချင်း စိတ်ချင်း ထိချက် ပြင်းထန်လွန်းလို့ ငြိသွားကြတာ။ လိုချင်စိတ်တွေ ပြင်းထန်လွန်းလို့ မျက်စိမှိတ်ပြီး အငြိခံလိုက် ကြတာ။ ဒီအဖြစ်အပျက်တွေကို ဖြစ်ပေါ်စေတဲ့နေရာ အရင်းအမြစ်က အာရုံခြောက်ပါးနဲ့ ဖဿစေတသိက်ရဲ့ ထိတွေ့မှုက စတာပဲ။