မေး - |
လိုချင်နေတဲ့ ကာမဂုဏ်အာရုံတွေကို ဆာလောင်တာ ကာမတဏှာတဲ့။ ဘ၀ဆိုတာကြီးက အမြဲတမ်း ရှိနေမှာပဲ။ သေခြင်း၊ ပျက်ခြင်းမရှိ။ ကမ္ဘာပျက်တာတောင် ဘ၀ဆိုတာ မပျက်ဘူးလို့ ထင်မြင်ယူဆတဲ့ ဘ၀တဏှာတဲ့။ ဘ၀ဆိုတာ မသေခင်သာ ရှိတာ၊ သတ္တ၀ါမှန်သမျှ သေပြီးရင် မရှိတော့ဘူး။ လုံးဝပျောက်ကွယ်သွားပြီဆိုတဲ့ အယူအဆကို လိုချင်တာ ၀ိဘ၀တဏှာတဲ့။ တဏှာသုံးမျိုးထဲက ကာမတဏှာကိုပဲ သုံးသပ်ကြည့်ရင် ဖဿပစ္စယာ ဝေဒနာ (အထိအတွေ့ကြောင့် ခံစားမှုမျိုးစုံဖြစ်ရတာ) ဝေဒနာပစ္စယာ တဏှာ (ခံစားမှုကြောင့် လိုချင်လာတာ) တဏှာပစ္စယာ ဥပါဒါနံ (လိုချင်မှုကြောင့် စွဲလမ်းငြိတွယ်လာတာ) ဥပါဒါနံပစ္စယာ ဘဝေါ (စွဲလမ်းမှုကြောင့် ဘ၀ဖြစ်တာ) ဘ၀အသစ်တွေရတာ အစွဲကြောင့်ဆိုတော့ ဘ၀သစ်မရအောင် ဘယ်လိုလုပ်မလဲ? |
---|---|
ဖြေ - |
စွဲလမ်းမှုကို ဖြစ်စေတဲ့ လိုချင်စိတ်ကိုဖြတ်။ လိုချင်စိတ်ကို ဖြစ်စေတဲ့ ခံစားစိတ်ကို ဖြတ်။ ခံစားစိတ်ကို ဖြစ်စေတဲ့ အာရုံနဲ့စိတ်နဲ့ စိတ်ချင်းထိတွေ့တဲ့ စိတ်ကိုဖြတ်။ မျက်စိနဲ့ မြင်ရင် မြင်မြင်ချင်းမှာ ဖြတ်။ ‘ဘယ်သူပဲ၊ ဘယ်ဝါပဲ’ ‘ငါ့ကိုကြည့်ပါလား! ဘာဖြစ်ချင်လဲ မသိဘူး’ အထိ မဆက်နဲ့။အသံတစ်ခုကြားရင် ကြားကြားချင်းမှာ ဖြတ်။ ‘ငါ့ကို ဘယ်သူဆဲနေတာလဲ? ’ ‘ဒီအသံလေးက ကောင်းလှချည်လား၊ ဘယ်သူ့အသံလဲ’ လို့ မစုံစမ်းနဲ့။ အာရုံခြောက်ပါးနဲ့ ပတ်သက်ပြီး ပေါ်လာတဲ့အာရုံနဲ့ စိတ်နဲ့ ထိတာ မှန်သမျှ သိပြီး ဖြတ်။ ချက်ချင်းဖြတ်၊ မခံစားနဲ့။ အာရုံခြောက်ပါးကြောင့် ပေါ်လာတဲ့အာရုံတွေဟာ “ငါနဲ့ မဆိုင်ဘူး” ဆိုတဲ့ အသိနဲ့ ဖြတ်ချလိုက်! ဖြစ်ဖြစ်ချင်းကို ချက်ချင်း ဖြတ်ချနိုင်တဲ့ အကျင့်ဖြစ်သွားအောင် လေ့ကျင့်နေမှ တဏှာအဆင့်ကို မရောက်မှာ။
တဏှာကင်းချင်ရင် ဖြစ်ပြီးတာတွေ ပြန်မစဉ်းစားနဲ့! ဖြစ်ပြီးသမျှအားလုံးဟာ ပျက်သွားပြီ။ မဖြစ်သေးတာကို ဖြစ်လာရင် ကောင်းမှာပဲလို့ စိတ်ကူးမယဉ်နဲ့။ မဖြစ်စေချင်တာကို ဖြစ်လာရင် ဒုက္ခပဲလို့ ကြိုတင် စိတ်မပူနဲ့။ ဒီအတွေးဟာ တဏှာပဲ။ တဏှာကင်းပြီး ငြိမ်းအေးချင်ရင် စိတ်ကို အခုလက်ရှိ ပစ္စုပ္ပန်အချိန်မှာ ထားလိုက်။ ဒါတောင် အခုဆိုတဲ့အချိန်က ခဏလေး။ အခုလို့ ပြောလိုက်တာနဲ့ မရှိတော့ဘူး။ အရာရာဟာ မရှိတော့ဘူးနဲ့ အဆုံးသတ်နေတဲ့ သဘာဝကို သိရင်၊ လိုချင်စိတ် ဖြစ်ခွင့်မရဘဲ တဏှာကင်းပြီ။ |