ယမ်းပုံမီးကျပေါက်ကွဲသွားသောစိတ်
- ယမ်းဆိုတာ အချိန်မရွေး မီးထတောက် ပေါက်ကွဲဖို့ အဆင်သင့်ဖြစ်နေတဲ့ ပစ္စည်းဆိုတာ သိပြီးသား။ အဲဒီ ယမ်းပုံပေါ်ကို မီးပွားကျလို့ ပေါက်ကွဲခဲ့ဖူးတဲ့ အခြေအနေမျိုး ကြုံခဲ့ဖူးတယ်ဆိုရင်လည်း ဖြစ်ပြီးတာကို မေ့လိုက်ပါ။ နောက်ထပ် မဖြစ်အောင်တော့ ကြိုတင်ပြင်ဆင်ထား ဖို့လိုမယ်။ ယမ်းနဲ့မီးဟာ တစ်ခုနဲ့တစ်ခု မထိမတွေ့ရင် မီးတောက်မဖြစ်ဘူး။ အာရုံနဲ့စိတ် စိတ်ချင်း ထိတွေ့မှု(ဖဿ)တွေ ဖြစ်လို့သာ ခံစားမှု(ဝေဒနာ)တွေ ဖြစ်ခွင့်ရတာ။ ဖြစ်ခွင့်ရသမျှစိတ်တွေ အကောင်အထည်ဖော်ဖြစ်အောင် လှုံ့ဆော် တိုက်တွန်းပေးနေတာက စေတနာစေတသိက်။ ယမ်းပုံမီးကျပေါက်ကွဲမှု မဖြစ်အောင် အာရုံနဲ့စိတ် စိတ်ချင်းထိတွေ့တာနဲ့ဖြတ်။ ချက်ချင်း ဖြတ်လို့ရအောင် သတိထား စောင့်ကြည့်ပြီး ဖြတ်။
ယုံကြည်စိတ်ချစိတ်
- ဒီစိတ်အမျိုးအစားက ငါ့ကို ယုံကြည်ကြစမ်းပါ။ ငါ့ကို စိတ်ချစမ်းပါလို့ အမိန့်ထုတ်ပြီး ဇွတ်ကြီး ယုံကြည်စိတ်ချခိုင်းလို့ မရဘူး။ ဘယ်သူကမှ တိုက်တွန်းစရာမလိုဘဲ ယုံကြည်စိတ်ချနိုင်လောက်တဲ့ စိတ်အရည်အချင်းကို တည်ဆောက်ပြနိုင်ရင် သူ့အလိုလို ဖြစ်ပေါ်လာတဲ့ ယုံကြည်စိတ်ချစိတ်။
ယုံမှားသံသယစိတ်
- မိမိကိုယ်တိုင်ကိုယ်ကျ လက်တွေ့အကောင်အထည်ဖော်ပြီး မလုပ်ကြည့်သေးလို့သာ ယုံမှား သံသယစိတ်က ဖြစ်နေသေးတာပါ။ သူတစ်ပါးကို ဖြစ်နေတာမျိုးဆိုရင်လည်း အရေးမကြီးဘူးလို့ စိတ်ကိုရွှေ့ပြီး မိမိကိုယ်မိမိ သံသယဖြစ်နေတဲ့ စိတ်မျိုး မရှိအောင်သာ ပြုပြင်သင့်တယ်။ သံသယဆိုတည်းက မိမိစိတ်မှာ ဖြစ်နေတဲ့စိတ်ပဲ။ မရှိသင့်တဲ့ စိတ်အမျိုးအစားလို့ သိပေးလိုက်ရင် သံသယစိတ်မှ မဟုတ်ဘူး။ ဘယ်လိုစိတ်မျိုးမှကို ရှိခွင့်မရတော့ပါဘူး။ ဒီ စိတ်သဘောသိကြည့်မှုကို သဘောပေါက်ပြီး မောင်းထုတ်လိုက်ပါ။
ယုံလွယ်သောစိတ်
- စာပေဗဟုသုတ၊ အကြားအမြင် ဗဟုသုတ မရှိတဲ့သူတွေဟာ အပြောကောင်းသူနဲ့တွေ့ရင် ပြောသမျှ နားထောင်ရင်း ယုံလွယ်တဲ့စိတ်က ချက်ချင်းပေါ်လာတယ်။ အလွယ်တကူ ယုံပြီးရင် နောက်တစ်ဆင့်က ပုံအပ်စိတ်ပဲ။
ယှဉ်ပြိုင်ချင်သောစိတ်
- မိမိဘ၀ တိုးတက်အောင်မြင်ထူးချွန်ဖို့ ယှဉ်ပြိုင်ချင်တဲ့စိတ် အနေနဲ့ဆိုရင်တော့ အလွန်ကောင်းပါတယ်။ ဒါပေမယ့် သူများနဲ့ ပြိုင်မယ့်အစား၊ သူတစ်ပါးကို ပြိုင်ဘက်လို့ သဘောထားမယ့်အစား၊ မိမိရဲ့မနေ့က အချိန်တွေနဲ့ မိမိရဲ့ ဒီနေ့အချိန်၊ မိမိရဲ့ ဒီနေ့အချိန်တွေနဲ့ မိမိရဲ့ မနက်ဖြန်အချိန်တွေကို ပြိုင်ဘက်အနေနဲ့ ယှဉ်ပြိုင်နေတာ အကောင်းဆုံး ယှဉ်ပြိုင်နေတာပဲ။ မိမိစိတ်နဲ့ မိမိအသိ ယှဉ်ပြိုင်နေတာ ဆိုတော့ မိမိကလွဲပြီး ဘယ်သူမှ မသိနိုင်လို့ အန္တရာယ်လည်းကင်းတယ်။

Next Chapter »