စေတနာစေတသိက်ဟာ ကိုယ့်တာဝန်ဖြစ်တဲ့ လှုံ့ဆော်တိုက်တွန်း ပြုလုပ်တဲ့

အလုပ်ကို မပျက်မကွက် တာဝန်ယူသလို၊

တခြားစေတသိက်တွေအနေနဲ့လည်း ဆိုင်ရာဆိုင်ရာ တာဝန်တွေ

မလုပ်မဖြစ် လုပ်နေအောင်၊

အာရုံနဲ့ တစ်ထပ်တည်း ဖြစ်အောင် စေတနာစေတသိက်ကပဲ စီစဉ်ပေးရတယ်။

အဲဒါကြောင့်

ဖြစ်မြောက်ပြီးစီးအောင် ပြုလုပ်တိုက်တွန်းပေးရတဲ့ အလုပ်တွေပါ ဆောင်ရွက်နေရတော့

စိတ်စေတသိက်တွေထဲမှာ စေတနာစေတသိက်ဟာ ခေါင်းဆောင်စိတ်တစ်ခုအဖြစ် ထင်သာမြင်သာ ဖြစ်နေတယ်။

အလုပ်အများဆုံးလုပ်တဲ့ စေတသိက်ဖြစ်တဲ့အပြင် သတ္တိလည်း အရှိဆုံးပဲ။

အသိနဲ့သတိစိတ် မရှိလို့ကတော့

ဖြစ်ချင်သလိုတွေ ဖြစ်နေအောင် လှုံ့ဆော်တိုက်တွန်းတဲ့စိတ်က စီမံပြုလုပ်နေမှာပဲ။

ကောင်းတာပဲလုပ်လုပ်၊ မကောင်းတာပဲလုပ်လုပ်၊

လုပ်ဖြစ်အောင် တိုက်တွန်းနေတာ စေတနာ စေတသိက်

စေတနာ စေတသိက်ကြောင့် စိတ်တွေ အကောင်အထည် ဖော်ခွင့်ရနေတာဆိုတော့ ထိုက်တန်တဲ့နေရာမှာ စေတနာ စေတသိက်ကို အသုံးချတတ်ဖို့ အသိနဲ့သတိကို တည်ဆောက်ရမယ်။

အသိနဲ့သတိစိတ်ကို တည်ဆောက်တဲ့နေရာမှာလည်း

လှုံ့ဆော်တိုက်တွန်းတတ်တဲ့ စေတနာ စေတသိက်ကို အသုံးချရတယ်။

အလုပ်လုပ်တဲ့နေရာတွေမှာ စိတ်မပါတာ၊ စိတ်မ၀င်စားတာ၊

စေ့ဆော်တိုက်တွန်းတဲ့ စေတနာ စေတသိက် ၀င်ရောက်ပါဝင်မှု အားနည်းနေလို့ပဲ။

စေတနာ စေတသိက်ရဲ့ လှုံ့ဆော်တိုက်တွန်း ပြုလုပ်စီမံမှု အားနည်းနေရင်

ဘာပဲလုပ်လုပ် မအောင်မြင်ဘူး။

ကောင်းကောင်း ဆိုးဆိုး မအောင်မြင်ဘူး။

အမှုတစ်ခုကို ကျူးလွန်တဲ့နေရာတိုင်းမှာ စိတ်တွေစုပေါင်းပြီး ပါဝင်ကြပေမယ့်

အကောင်အထည်ဖော်ခြင်းကိစ္စ ပြီးမြောက်သွားစေတာ စေတနာ စေတသိက်ရဲ့

လှုံ့ဆော်တိုက်တွန်း ပြုလုပ်စီမံမှုကြောင့်ပဲ။

အသိပညာပိုင်းဆိုင်ရာ အသိဉာဏ်ပညာတစ်ခု ရအောင် တည်ဆောက်တဲ့နေရာမှာ စိတ်တွေအားလုံး စုပေါင်း ပါဝင်နေကြပေမယ့်

အသိဉာဏ်ပညာ အဆင့်တစ်ခုမြင့်တက်၊ ပြီးမြောက်တဲ့အထိ သိကျင့်နိုင်စေတဲ့ အသိနဲ့သတိကို ပံ့ပိုးတာဟာ စေတနာ စေတသိက်ပဲ။

ဒီလိုအစွမ်းထက်တဲ့ စေတနာစေတသိက်ကို ထိုက်ထိုက်တန်တန် အသုံးချသင့်တဲ့ အလုပ်ကတော့ အသိနဲ့သတိ စွမ်းအားကောင်းအောင် စောင့်ကြည့်သိမှတ်တဲ့နေရာမှာ အသုံးချဖို့ ရွေးချယ်သင့်တယ်။

ကံ ကံရဲ့အကျိုးဟာ စေတနာစေတသိက် တည်ဆောက်နိုင်မှုအပေါ်မှာ မူတည်တယ်။

စေတနာကောင်းရင် ကံကောင်းမယ်။

စေတနာမကောင်းရင် ကံမကောင်းဘူး။

Next Chapter »