စော်ကားစိတ်
- ခေါင်းစဉ်ထဲမှာ စိတ်အဓိပ္ပာယ် ပါဝင်နေပါတယ်။
စံချိန်မီစိတ်
- တစ်ဖက်သားရဲ့ စိတ်ခံစားမှုကို သိရှိ နားလည်ပေးနိုင်တဲ့စိတ်။ လူသားချင်း စာနာထောက်ထားတတ်တဲ့ အဆင့်မြင့်စိတ်။ သူတစ်ပါးက မိမိအပေါ် ကောင်းကောင်း၊ မကောင်းကောင်း မိမိဘက်က အမြဲတမ်း ကောင်းနေတဲ့စိတ်။ ဒီလိုစိတ်တွေဟာ စံနှုန်းကောင်းတဲ့အပြင် စံထားလောက်တဲ့ စိတ်အမျိုးအစားတွေပဲ။
စံပြစိတ်
- မိမိနဲ့ တခြားလူတွေရဲ့ ကိုယ်ပိုင်ခံစားချက်တွေကို သဘောပေါက်နားလည်ပြီး မိမိကိုယ်ကို စိတ်တက်ကြွအောင် အားပေးနိုင်ခြင်း၊ မိမိ ခံစားချက်တွေကို မိမိကိုယ်တွင်းမှာပဲ စီမံခန့်ခွဲခြင်း၊ မိမိရဲ့ခံစားချက်ကို တခြားလူတွေနဲ့ ဆက်ဆံတဲ့နေရာမှာ စီမံခန့်ခွဲခြင်း၊ မိမိနဲ့ တခြားလူတွေရဲ့ နှလုံးသားကို ဦးနှောက်နဲ့ နားလည်ကာ (နားလည်ပေးပြီး) အကျိုးရှိရှိ ဆောင်ရွက်နိုင်ခြင်း၊ အဓိကကတော့ မိမိခံစားမှုကို မိမိကိုယ်တိုင် ထိန်းကျောင်းနိုင်ခြင်း၊ စိတ်ခံစားချက်ရဲ့ စေခိုင်းမှုနောက်ကို မလိုက်ဘဲ မိမိကသာ ခံစားချက်တွေကို ကိုင်တွယ်နိုင်တဲ့စိတ်။
မှတ်ချက် - Emotional intelligence Quotient (EQ) ဆိုပြီး The Voice ဂျာနယ်မှာ ဆရာဇေယျသူရဲ့ EQ ဖော်ပြချက်ကို စံပြစိတ်အဖြစ် ဂုဏ်ပြုစွာ ထပ်ဆင့် ဖော်ပြလိုက်ပါတယ်။
စိုစိုပြည်ပြည်စိတ်
- ခန္ဓာကိုယ်နဲ့ စိတ် စေတသိက်ရဲ့သဘောတွေကို သိနားလည်ပြီး ဆင်ခြင် ထိန်းသိမ်း စောင့်ကြည့်နိုင်ရင် စိတ်ရောကိုယ်ပါ သက်သာ ငြိမ်းအေးနေပြီး ဘာပဲလုပ်လုပ် စိတ်အစဉ်ဟာ စိုပြည်လန်းဆန်းနေတဲ့ စိတ်သဘော။
စိုးစဉ်းမျှ မတုန်လှုပ်သောစိတ်
- မိမိစိတ်တွေ လှုပ်လှုပ်ရှားရှား၊ တုန်တုန်ခါခါ ဖြစ်သွားတယ်ဆိုတာ တစ်ကြိမ်မှာ တစ်ခုပဲ ၀င်ခွင့်ရတဲ့ စိတ်က နှောင့်ယှက်သွားတာပဲ။ မိမိစိတ်ထဲကို ၀င်လာတဲ့အာရုံဟာ တစ်ကြိမ်မှာ တစ်ခုတည်းပဲဆိုတာကိုသာ တကယ်သိနေပြီဆိုရင်၊ အဲဒီ တစ်ခုတည်းသော စိတ်ကိုသာ ဆက်တိုက် စောင့်ကြည့်သိမှတ်ပြီး ဖယ်ထုတ်နိုင်ရမယ်။ တစ်ခုတည်းသော စိတ်ကိုသာ ဆက်တိုက် ဖယ်ပစ်နိုင်နေရင် ခံစားမှုတွေ ပါလာတတ်တဲ့ စိတ်တွေ ၀င်ခွင့်မရတော့ဘူး။ မိမိစိတ်ထဲမှာ ခံစားမှုဖြစ်စေတဲ့ စိတ်တွေမရှိဘူးဆိုရင် လှုပ်လှုပ်ရှားရှား တုန်တုန်ခါခါ ဖြစ်စရာအကြောင်းလည်း မရှိတော့ဘူး။
စိုးမိုးစိတ်
- မသိတဲ့စိတ်ကို သိတဲ့စိတ်က စိုးမိုးထားတာ ရှိသလို၊ သိတဲ့စိတ်ကို မသိတဲ့စိတ်က စိုးမိုးထားတာမျိုးလည်း ရှိတတ်တယ်။ သိတဲ့စိတ်ကို ဘယ်လိုစိတ်မျိုးကမှ ခြယ်လှယ်လွှမ်းမိုး ထိန်းချုပ်တာမျိုး မဖြစ်စေချင်ဘူးဆိုရင်တော့ သိတဲ့စိတ်နားမှာ သတိစိတ်ကို တစ်ချိန်လုံး ပူးကပ်ထားပြီး သိတဲ့စိတ် စွမ်းအားကြီးအောင် တည်ဆောက်ပါ။
စိုးရိမ်သောစိတ်
- မိမိဆီကို ရောက်မလာသေးတဲ့ အချိန်ကာလထဲမှာ မိမိဘ၀အတွက် ဘယ်လိုအနှောင့်အယှက် ဆိုးကျိုးတွေများ ပါလာမလဲလို့ ကြိုတင်တွေးပြီး စိုးရွံ့ကြောင့်ကြ ပူပင်စိုးရိမ်နေတဲ့ စိတ်အမျိုးအစား။ (ရောက်မလာသေးတဲ့ အချိန်ကို ကြိုတွေးပြီး စိတ်ဆင်းရဲ ခံနေတာဟာ လက်ရှိပစ္စုပ္ပန်အချိန်တွေကို အဆုံးရှုံးခံနေတာနဲ့အတူတူပဲ။ ဖြစ်သင့်တာက စိုးရိမ်ပူပန်နေမယ့်အစား စိုးရွံ့ ကြောင့်ကြစရာတွေကို ဖြေရှင်းနိုင်တဲ့ အဖြေကို လက်ရှိအချိန်မှာ ရှာဖွေပြီး ကြိုတင်ပြင်ဆင်ထားသင့်တယ်။)