ဖျန်ဖြေစိတ်
- ဆန့်ကျင်ဘက် အယူအဆတွေကို ညီအောင် ညှိပေးတဲ့စိတ်။ သံသယဖြစ်နေတာတွေ ပြေလျော့သွားအောင် စီစဉ်ပေးတဲ့စိတ်။ မှားနေတာတွေကို အမှန်အတိုင်း လက်ခံလာအောင် ပြောဆိုပေးတဲ့စိတ်။ သဘောထားတင်းမာတဲ့ အုပ်စုတွေကြားမှာ ဖျန်ဖြေစိတ်ဟာ အလိုအပ်ဆုံး စိတ်အရည်အချင်းပဲ။
ဖျပ်ဖျပ်လူးစိတ်
- လိုချင်တပ်မက် ဆာလောင်စိတ် ပြင်းထန်လွန်းတဲ့အခါမှာ လိုချင်တာရရင်လည်း ဖျပ်ဖျပ်လူးတဲ့စိတ်ဖြစ်သလို၊ လိုချင်တာမရ ပြန်ရင်လည်း ဖျပ်ဖျပ်လူးတဲ့ စိတ်ကဖြစ်ပြန်ရော။ ဒီဖျပ်ဖျပ်လူးတဲ့စိတ်အဆင့် ဖြစ်စေတဲ့ အဓိကအကြောင်းကတော့ လိုချင်တပ်မက် ဆာလောင်နေတဲ့ တဏှာစိတ်ပဲ။
ဖြားယောင်းစိတ်
- မလုပ်ချင်တဲ့အလုပ်ကို လုပ်ဖို့ သွေးဆောင်တဲ့ စိတ်အမျိုးအစား။ ဒီဘက်ခေတ်မှာ အသုံးများနေတဲ့ စိတ်အနေအထားပဲ။ လူကုန်ကူးခြင်း လုပ်ငန်းတွေအတွက် အရာရာ မပြည့်စုံတဲ့သူတွေကို အဓိကသားကောင်အဖြစ် ဖြားယောင်းသွေးဆောင်တယ်။ လိင်ဖျော်ဖြေရေး လုပ်ငန်းတွေအတွက် စားဝတ်နေရေး အဆင်မပြေတာနဲ့ အသိဉာဏ် မရှိတဲ့သူတွေကို အဓိကသားကောင် အဖြစ် စည်းရုံးသိမ်းသွင်းတယ်။ ဗဟုသုတ အတွေ့အကြုံနည်းတဲ့သူတွေ ရှိနေသမျှ၊ တစ်ဘက်သားကို ယုံကြည်လွယ်လွန်းတဲ့ သူတွေ ရှိနေသမျှ၊ စားဝတ်နေရေး ငွေကြေး အဆင်မပြေတာတွေ ရှိနေသမျှ၊ ဖြားယောင်းတဲ့စိတ်က လူလိမ်တွေအတွက် အထိရောက်ဆုံး ထုတ်သုံးနေတဲ့ စိတ်လက်နက်ပဲ။
ဖြီးဖြန်းစိတ်
- မသိတာကို သိတယ်။ မတတ်တာကို တတ်တယ်လို့ အယောင်ဆောင် ညာဝါးပြီး လောလောဆယ် အဆင်ပြေအောင် ထုတ်သုံးတဲ့ လိမ်လည်စိတ် အမျိုးအစား။
ဖြူခါပြာခါကျစိတ်
- လက်ကျန်လုံးဝမရှိအောင် ပြောင်တလင်းခါသွားတဲ့အထိ ဆုံးရှုံးပြုတ်ကျ သုညဖြစ်သွားတဲ့စိတ်။
ဖြူစင်စိတ်
- မှားယွင်းတဲ့ အယူအဆကို လက်ခံထားတဲ့ စိတ်အညစ်အကြေးမရှိဘဲ သဘာဝရဲ့အမှန်တရားတွေကို အမှန်အတိုင်း သိနေလို့ သန့်ရှင်းစင်ကြယ်ပြီး ဖြူစင်သက်သာနေတဲ့ စိတ်အနေအထား။
ဖြူးဖြူးဖြောင့်ဖြောင့်စိတ်
- လမ်းမှန်ကိုရှာရင်း လမ်းမှားပေါင်းများစွာကို တွေ့ကြုံရင်ဆိုင် ဖြတ်သန်းကျော်လွှားပြီးတဲ့ နောက်ဆုံးမှာ အမှန်နဲ့ အမှားကို ကိုယ်တိုင်လက်တွေ့ ခွဲခြားသိရှိ နားလည်သဘောပေါက်ပြီး လက်ကျန် အသက်ရှင်နေခွင့်ရမယ့် လမ်းကြောင်းဟာ ဖြောင့်ဖြူးနေမှန်း သိနေတဲ့ စိတ်အဆင့်။
ဖြေဆည်စိတ်
- ဖြေလျော့စိတ်နဲ့ နှစ်သိမ့်ပေးရင်၊ ဖြေဖျောက်စိတ်နဲ့ ထိန်းသိမ်းပေးရင်၊ ဖြေရှင်းစိတ်နဲ့ တားဆီးပေးရင်၊ ဖြေသိမ့်စိတ်နဲ့ ပြုပြင်ပေးရင်၊ စိုးရိမ်ပူပန် ကြောင့်ကြ ယူကျုံးမရစိတ်တွေဟာ ဖြေဆည်စိတ်အဖြစ် ပြောင်းရွှေ့ပြီး သက်သာသွားစေတဲ့ စိတ်အမျိုးအစားများ။
ဖြိုဖျက်စိတ်
- မိမိစိတ်ထဲမှာ မရှိသင့်တဲ့ စိတ်အမျိုးအစားဆိုရင် လက်ကျန်မရှိအောင် ဖြိုချ၊ ဖယ်ထုတ်ပစ်ရမယ့် စိတ်အဆင့်။ ဖြိုဖျက်ရမယ့် စိတ်အမျိုးအစားတွေက အာရုံခြောက်ပါးကြောင့် ဖြစ်ပေါ်လာတဲ့ အာရုံနဲ့စိတ် စိတ်ချင်း ထိတွေ့တဲ့အချိန်ကို စောင့်ကြည့်သိမှတ်ပြီး ဖြိုဖျက်ပစ်ရမယ်။ ဒီလို ဖြိုဖျက်တဲ့နေရာမှာ အလိုအပ်ဆုံးစိတ်က အသိနဲ့သတိပဲ။
ဖြောင့်မတ်စိတ်
- သိစရာရှိတာတွေထဲက သိကိုသိရမယ့် စိတ်အနေအထားတွေကို သိလို့ရသလောက် သိကျင့်ထားနိုင်လို့ မရှိသင့်တဲ့ စိတ်တွေ ဖယ်ထုတ်ထားနိုင်လို့ ကြားဖြတ်စိတ်တွေ မ၀င်နိုင်အောင် စိတ်ကိုစောင့်ကြည့် သိမှတ်မှု အားကောင်းနေလို့ ပြုပြင်ထားတဲ့စိတ်အစဉ်ဟာ ဖြောင့်စင်းနေတယ်။ ဖြောင့်တန်းနေတယ်။ ဖြောင့်ဖြူးနေတယ်။
ဖြောင့်မတ်နေတယ်။ ဖြောင့်မှန်နေတယ်။
ဖြစ်ကတတ်ဆန်းစိတ်
- ကြုံသလိုပြော၊ ကြုံသလိုနေ၊ ကြုံသလိုစား၊ ကြုံသလိုအိပ်၊ ကြုံသလိုအိမ်ထောင်ကျ၊ ကြုံသလိုကလေးတွေမွေး၊ ရောက်ရာအရပ်မှာ ယောက်ယက်ခတ်နေသူတွေရဲ့ ဖြစ်ကတတ်ဆန်းစိတ်။