မဟာစည်ဆရာတော်ဘုရားကြီး ရေးသားတော်မူတဲ့ အနတ္တလက္ခဏသုတ်ထဲမှာ
“ရုပ်နာမ်တို့ရဲ့ အနိစ္စ ဒုက္ခ အနတ္တ အခြင်းအရာတို့ဖြင့် ရှုသိနေရင်းထဲက (ပရိကံ ဥပစာ အနုလုံ) ဆိုတဲ့ နောက်ဆုံး ရှုသိမှု၏ အခြားမဲ့မှာ
အဲဒီ သိစရာတွေရော၊
ရှုသိတဲ့ စိတ်ရော၊ ပြတ်စဲ ချုပ်ငြိမ်းခြင်းသဘောထဲသို့
ရုတ်တရက် ညွတ်ကိုင်း ကျရောက်တယ်။
ဒီလို ကျရောက်သွားတာက အရိယမဂ်ဖြင့် နိဗ္ဗာန်ကို မျက်မှောက် ပြုသွားတာပဲလို့” ဖော်ပြထားတယ်။
နိဗ္ဗာန်ရဲ့ ဖြစ်တည်ရာ ဘယ်မှာရှိလဲ? ဆိုတဲ့ ခေါင်းစဉ်နဲ့
နိဗ္ဗာန်ဆိုတာ ဘာမှမရှိတဲ့ သဘောဖြစ်တယ်လို့ ပြောရိုး ပြောစဉ် ပြောကြတာက နိဗ္ဗာန်ရဲ့သဘောကို အာရုံငါးပါးနဲ့ ထိတွေ့ခံစားလို့၊ မရလို့ဘဲ ဖြစ်တယ်။
နိဗ္ဗာန်ကို ယခု မျက်မှောက်ဘ၀မှာ ရနိုင်တယ်။
ဗုဒ္ဓဘာသာက နိဗ္ဗာန်ချမ်းသာကို သေပြီး နောက်ဘ၀ကျမှ ခံစားရရှိနိုင်တယ်လို့ မဟောဘူး။ နိဗ္ဗာန်ကို သက်ဝင်သူရဲ့ အတွေ့အကြုံမှာ လောကီအာရုံ ကာမဂုဏ် တရားအားလုံးနဲ့ ပြတ်တောက်သွားပြီလို့ ခံစားနားလည်ရမယ်။
တစ်စုံတစ်ယောက်ကို ချစ်ခင်နှစ်သက်စွဲလမ်းနေသေးရင်၊ တစ်စုံတစ်ယောက်ကို၊ တစ်စုံတစ်ခုကို မုန်းတီးပြီး မလိုလား ဖြစ်နေသေးရင် နိဗ္ဗာန်ကို ဘယ်နည်းနဲ့မှ မျက်မှောက်မပြုနိုင်ဘူး။
နိဗ္ဗာန်ဆိုတာ အချစ်အမုန်း၊ လိုချင်တာ၊ မလိုချင်တာ အားလုံးကို လွန်မြောက်သွားခြင်းပဲ ဖြစ်တယ်။
ဝိပဿနာအလုပ်ကို ကြိုးစားအားထုတ်တဲ့ ယောဂီရဲ့ စိတ်အစဉ်ကို တိုးတက် ဖြစ်ထွန်းလာပြီး၊ သူ့ရဲ့ဉာဏ်အမြင်ဟာ ကိလေသာတွေ စင်ကြယ်သွားရင် (ဉာဏ၀ိသုဒ္ဓိ) အဲဒီမှာ နိဗ္ဗာန် စဖြစ်တည်လာမှာ ဖြစ်တယ်တဲ့။
ရည်ညွှန်း - “ဗုဒ္ဓဘာသာဝင်တွေ ယုံကြည်ကြတာ” ဆန်းလွင် (ရှင်အာဒိစ္စရံသီ) (၁၉၃၈-၂၀၀၂)
7day News - 2012 March 1st, VOL:10 No:50