ကိုးရိုးကားရားစိတ်
- ကြိုတင်ပြင်ဆင်မှုတွေ မရှိဘဲ၊ ကိုးလိုးကန့်လန့်စိတ်တွေနဲ့ အရာရာကို အလေးအနက်မထားတဲ့သူတွေ၊ အမှတ်တမဲ့ နေတတ်သူတွေ၊ ပေါ့ပေါ့ဆဆနေတတ်သူတွေဟာ ပြဿနာတစ်စုံတစ်ရာကို ရုတ်တရက် ကြုံတွေ့တဲ့အခါတွေမှာ အလွယ်တကူ ကြုံရာပုံစံနဲ့ ဖြေရှင်းရင်း ကိုးရိုးကားရားတွေဖြစ်ပြီး အဆင်မပြေတဲ့ စိတ်ပုံစံ။
ကက်ကက်လန် ရန်တွေ့သောစိတ်
- အသိဉာဏ်နည်းပါးတဲ့သူတွေ၊ စရိုက်ကြမ်းတဲ့သူတွေဟာ ပြဿနာတစ်ခုခုကို ဖြေရှင်းတဲ့နေရာမှာ အသံအားနဲ့၊ အမူအရာအားကို စွမ်းအားအဖြစ် အသုံးချပြီး တစ်ဖက်သားကို အနိုင်ယူတဲ့ စိတ်အဆင့်။
ကောက်ကျစ်စဉ်းလဲသောစိတ်
- မျက်နှာပေါ်မှာ အပြုံးကို ဖော်ပြထားပြီး တစ်ဖက်သား ဒုက္ခအကြီးအကျယ် ရောက်အောင် ဘယ်လောက်အတိုင်းအတာထိ ညစ်ပတ်ရမလဲလို့ ရက်စက်ယုတ်မာစွာ ကြံစည်နေတဲ့ စိတ်အဆင့်။
ကောင်းချီးသြဘာပေးသောစိတ်
- တစ်ဖက်သားအောင်မြင်မှု ရရှိတာကို မိမိကိုယ်တိုင် ရရှိသကဲ့သို့ လှိုက်လှိုက်လှဲလှဲ တစ်ခဲနက် ချီးကျူးဂုဏ်ပြုသော စိတ်အနေအထား။
ကောင်းခြင်း မကောင်းခြင်း အညီအမျှဖြစ်နေသောစိတ်
- စိတ်ကို စောင့်ကြည့်သိမှတ်တဲ့ စိတ်လေ့ကျင့်မှုမှာ အာရုံခြောက်ပါးကြောင့် ၀င်လာတဲ့ စိတ်တွေနဲ့ ပတ်သက်ပြီး မိမိရဲ့ သိမှတ်မှုက ဘာကိုသိနေတာလဲ?
စိတ်ခံစားမှုနဲ့ ပတ်သက်ပြီး ကျေနပ်ခြင်း၊ မကျေနပ်ခြင်း၊ ကြိုက်ခြင်း၊ မကြိုက်ခြင်းတွေ အပေါ်မှာ တစ်ဖက်စောင်းနင်း မဖြစ်ဘဲ အညီအမျှဖြစ်အောင် သိမှတ်နိုင်နေသလား?
အာရုံကို သိနေတဲ့အသိနဲ့ သိမှန်းသိနေတဲ့ အသိစိတ်နှစ်ခုအပေါ်မှာလည်း အညီအမျှ ဖြစ်နေတဲ့ စိတ်အဆင့်။
ကောင်းမွန်မြင့်မြတ်သောစိတ်
- ခေါင်းစဉ်ထဲမှာ စိတ်အဓိပ္ပာယ် ပါဝင်နေပါတယ်။
ကိုင်စွဲထားသောစိတ်
- အမှားကို အမှန်ထင်ပြီး တစ်ယူသန်စိတ်နဲ့ တရားသေ၊ ကိုင်ဆုပ် လက်ခံထားတယ်ဆိုရင်တော့ ပြုပြင်ရခက်တတ်တဲ့ စိတ်အမျိုးအစား။
(စိတ်ကို စောင့်ကြည့်သိမှတ်နေတဲ့ ရှုထောင့်ဘက်က သုံးသပ် ဆင်ခြင်ကြည့်ရင်လည်း အရာရာဟာ ခဏလေး သဘောအဖြစ်သာ ရှိနေတဲ့ သဘာဝဖြစ်နေလို့ ဘာကိုမှ စွဲလမ်းဆုပ်ကိုင်ထားခွင့် မရှိပါဘူး။)
ကိုင်းကျွန်းမှီ ကျွန်းကိုင်းမှီစိတ်
- တစ်ယောက်နဲ့တစ်ယောက်၊ တစ်ဖွဲ့နဲ့တစ်ဖွဲ့ အပြန်အလှန် မှီခိုပြီး အေးအတူပူအမျှ မျှဝေခံစားကြတဲ့ စိတ်အနေအထား။
ကိုင်းညွတ်သောစိတ်
- ကိုင်းရှိုင်းခြင်း၊ ကိုင်းညွတ်ခြင်းဆိုတဲ့ စိတ်တွေဟာ မိမိယုံကြည်လေးစားမှုအပေါ်မှာ မူတည်ပြီး မိမိယုံကြည်ရာကို လိုက်နာ ရိုသေတဲ့ စိတ်အမျိုးအစား။
ကိစ္စ၀ိစ္စများသောစိတ်
- အမျိုးမျိုးသော အကြောင်းအရာများစွာနဲ့ စိတ်တွေတစ်ခုပြီး တစ်ခု ဖြစ်ပေါ်နေသော စိတ်အနေအထား။
ကုက္ကုစ္စစိတ်
- ‘လုပ်ခဲ့မိတာတော့ မှားပြီထင်တယ်’ ၊ ‘မလုပ်မိတာ မှားပြီ’ ဆိုတဲ့ နောက်မှ သတိရပြီး နောင်တ တစ်ဖန် ပူပန်ခြင်းဖြစ်တဲ့ စိတ်အနေအထား။
ကဏ္ဍကောစစိတ်
- တစ်ဖက်သားရဲ့ သဘောဆန္ဒကို လက်မခံဘဲ ဆန့်ကျင်ကြောင်း သိသာထင်ရှားစေတဲ့ အပြုအမူကို ဖော်ပြတဲ့ စိတ်ပုံစံ။
ကတ်တီးကတ်ဖဲ့စိတ်
- ကတ်သီးကတ်သတ်စိတ်တွေ စိတ်ထဲမှာ ဖြစ်ပေါ်နေတော့ လိုက်လျောသင့်တာကို အလွယ်တကူ လိုက်လျောနိုင်လျက်နဲ့ တစ်ဖက်သား စိတ်အနှောင့်အယှက် ဖြစ်အောင် တမင်ရည်ရွယ်ပြီး ပြုလုပ်နေတဲ့ စိတ်အဆင့်။
ကန့်ကွက်သောစိတ်
- တစ်ဖက်သား သို့မဟုတ် အဖွဲ့အစည်းရဲ့ သဘောထားတွေနဲ့ မိမိသဘောထား ကိုက်ညီမှုမရှိတဲ့အခါမှာ သဘောမတူကြောင်း ထုတ်ဖော်ပြတဲ့ စိတ်ပုံစံ။
ကန့်လန့် ကန့်လန့်စိတ်
- စိတ်ကို ပိုင်ပိုင်နိုင်နိုင် ထိန်းချုပ်နိုင်တဲ့ လေ့ကျင့်မှု မရှိရင် လုပ်မယ်လို့ ဆုံးဖြတ်ထားတာကိုပဲ မလုပ်ဖြစ်အောင် နောက်ထပ် စိတ်တစ်ခုက တားဆီး ပိတ်ဆို့ ပြောင်းလဲဖြစ်ချင်နေတဲ့ စိတ်အနေအထား။
ကန့်လန့်တိုက်သောစိတ်
- အကြောင်းအရာတစ်ခုခုကို မိမိအနေနဲ့ လက်မခံနိုင်ကြောင်း ပြောင်ပြောင်တင်းတင်း ငြင်းဆန်တဲ့ စိတ်ပုံစံ။