ဘာမထီစိတ်
- အာဇာနည် သူရဲကောင်းတွေရဲ့ အရာရာကို ရင်ဆိုင်ရဲနေတဲ့ စိတ်အနေအထား။
ဘာမှမရှိသောစိတ်
- ဘာမှမရှိသောစိတ်ဆိုတာ ဘာမှမရှိတဲ့စိတ်ပဲ။ ဘာမှမရှိခြင်းဟာ ဘာမှမရှိခြင်းသဘောအနေနဲ့ ရှိနေတာကို သဘောပေါက်သွားလို့ ဘာမှမရှိတော့တဲ့ စိတ်။
ဘာမှမလုပ်သောစိတ်
- ထိန်းချုပ်တဲ့စိတ်အလုပ်၊ သတိထားတဲ့စိတ်အလုပ်၊ သိမှတ်ပေးတဲ့ စိတ်အလုပ်တွေ မလုပ်ရလို့ အလုပ်မရှိတဲ့ စိတ်ဟာ လွင့်ချင်ရာလွင့်၊ မျောချင်ရာမျော၊ တွေဝေငေးမော။
ဘာသိဘာသာစိတ်
- အရာရာကို စပ်စုပြီး သိချင်နေတာတွေ၊ ၀င်လာသမျှအာရုံတွေကို ခံစားနေတာတွေဟာ မိမိစိတ်အခြေအနေကို ဆိုးရွားစွာ ထိခိုက်နိုင်တယ်ဆိုတာ သဘောပေါက်ထားလို့ မိမိစိတ်ရဲ့ အသွားအလာ၊ အဖြစ်အပျက်၊ အပြောင်းအရွှေ့ကိုသာ စောင့်ကြည့် သိမှတ်ပြီး ဘယ်အာရုံနဲ့မှ မပတ်သက်ဘဲ ဘာသိဘာသာ နေနေတဲ့စိတ်။
ဘုကျစိတ်
- အာရုံခြောက်ပါးကြောင့် ဖြစ်ပေါ်လာတဲ့ မြင်သမျှ၊ ကြားသမျှအာရုံတွေကို တစ်ယောက်တည်း မကျေမနပ်ဖြစ်နေပြီး အရာရာကို ကန့်လန့်သဘော အတိုက်အခံသဘောတွေနဲ့ တုံ့ပြန်နေတဲ့ စိတ်အမျိုးအစား။
ဘုမသိဘမသိစိတ်
- ဘုမသိဘမသိနဲ့ ပြဿနာဖြစ်နေတဲ့ နေရာကို ရောက်လာတယ်။ ဘုမသိဘမသိနဲ့ တစ်ယောက် တစ်ပေါက် ပြောနေတာတွေ နားထောင်ပြီး ဘုမသိဘမသိ ဖြစ်နေတယ်။ ပြီးမှ ဖြေရှင်းပေးပါဆိုတော့ ဘုမသိဘမသိ ဖြစ်နေရော။ ပြဿနာဖြစ်ရတဲ့ အကြောင်းရင်းကို အတိအကျမသိဘဲ ဘုမသိဘမသိ ဖြစ်နေရင် မှန်ကန်မျှတတဲ့ အဆုံးအဖြတ်ကို မပေးနိုင်ဘူး။
ဘူဇွာစိတ်
- ငွေကြေးပစ္စည်း ဥစ္စာဓန ချမ်းသာကြွယ်ဝလာတဲ့အခါမှာ သြဇာအာဏာဆိုတာလည်း အထိုက်အလျောက်တွဲပြီး ရရှိလာတတ်တယ်။ အဲဒီအခါမျိုးမှာ ဘ၀မြင့်ပြီး လူလူချင်း ညှာတာ သနားတာတွေ၊ စာနာထောက်ထားတာတွေ မရှိတော့ဘဲ မောက်မာ မာန်တက်တဲ့ သူဌေးစိတ် ၀င်သွားတာ ဘူဇွာစိတ်ပဲ။
ဘူးခံစိတ်
- ဘယ်လိုမေးမေး မသိဘူး။ ဘယ်သူကမေးမေး မသိဘူး။ ကြိုက်သလိုမေး၊ ကြိုက်သလောက်မေး မသိဘူး။ မသိဘူး မသိဘူးလို့သာ တစ်ချိန်လုံး ဘူးခံနေတဲ့စိတ်။ (အမှန်သိချင်လည်း သိမယ်။ မသိချင်လည်း မသိဘူး။ ဒါပေမယ့် မသိဘူးလို့သာ ပြောပါ့မယ်ဆိုတဲ့ ကတိတစ်ခု ပေးထားရလို့လား? တစ်ဘက်သား အပြစ်လျော့သွားအောင် မသိဘူးလို့ပဲ” ဘူးခံနေတာလား?)
ဘေးကျပ်နံကျပ်စိတ်
- ပြဿနာတစ်ခု ဖြစ်နေတဲ့နေရာမှာ ဟိုဘက်အုပ်စုရော ဒီဘက်အုပ်စုပါ နှစ်ဖက်လုံးက မိတ်ဆွေတွေဖြစ်နေတော့ မျက်နှာပူစရာတွေ၊ အားနာစရာတွေ ဖြစ်နေပြီ။ အုပ်စုနှစ်ခုလုံးရဲ့ အကြောင်းပြချက်တွေကလည်း သူ့အတိုင်းအတာနဲ့သူ မှန်နေတယ်။ ကြားကနေ မိမိရဲ့ ဆုံးဖြတ်ပေးမှုဟာ မျှတရမယ်။ အထောက်အထား ခိုင်လုံရမယ်။ ဘယ်သူ့ဘက်မှမလိုက်တဲ့ စီရင်ချက်ဖြစ်ရမယ်။ အဲဒီအချိန်ဟာ အလယ်လူ ဘေးကျပ်နံကျပ်ဖြစ်တဲ့ စိတ်အခက်အခဲပဲ။
ဘေးချင်းယှဉ်စိတ်
- ကောင်းသောစိတ်နဲ့ မကောင်းသောစိတ်၊ လုပ်ချင်နေတဲ့စိတ်နဲ့ မလုပ်သင့်လို့ မလုပ်ချင်တဲ့ စိတ်နှစ်ခုဟာ အမြဲတမ်း ဘေးချင်း ယှဉ်ပြီး တိုက်ပွဲဖြစ်နေမှာပဲ။ သိတဲ့စိတ်နဲ့ မသိတဲ့စိတ် ဘေးချင်းယှဉ်တဲ့အချိန်မျိုးမှာ သိတဲ့စိတ်က အားနည်းနေရင်တော့ မသိတဲ့စိတ်က သိတဲ့စိတ်ကို လွှမ်းမိုးဖုံးကွယ်ပြီး မလုပ်သင့်လို့ မလုပ်ချင်နေတဲ့ စိတ်ကနေ လုပ်ချင်တဲ့ အာရုံဘက်ဆီ ရွေ့အောင် ရွှေ့ပစ်လိုက်နိုင်တာ ဘေးချင်းယှဉ်စိတ်တွေရဲ့ အားပြိုင်မှုပဲ။